26 Nanti sile umwili wane nu mwenzo wane vingatontenkana, we Leza, wewe uli maka yane, awewe nkalukisya pee!
Uwanda uno nalaizye wanguvwile, wandundile na maka.
Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.
Umwenzo wane wati ufwa sile uku ciluka cako! Pasi paciluka ica misolo ya kwisano lyako, we Yawe nkukwimbila nu luzango lonsi we Leza wa umi.
We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.
Nkukwama wewe, we Yawe, inkuti, “Wewe uli cele lyane, wewe Cuma cane muno nsi ya umi.
Yawe ali cuma sile cino nakwata. Acino nemo namapaalilanga munoli.
Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!
Manyile vino Mwene Yesu wanena mpiti ukuti ndasya mwili uu.
Uzye uumi icani? Kunondi umi a Klistu ni mfwa umuzano.
We Yawe, wewe uli vyonsi kunondi, nalaya ukuyela amasunde yako.
Amalanda avule wakwe cimwi yatiyamvulila, Uyi wane uwati ulenga vyonsi vii. Lyene natinsuka intela mwenemo nu kulolekesya. Uyi wane watiuvula ukuluta ni nyele zyaku mutwe wane, cati cimputula nu musana.
Leza andye ndakulonda. Nemo ningaya nkalolole ukwakwe, apamipitile yane iya muno nsi.
Wino wensi alacimvya nemo ndaya Leza wakwe nawe alaya umwana wane.
