Masamu 73:24 - Amazwi Yakwe Leza 2013

²⁴ Ukantungulula uku mano yako, nu kumpelelekezyo ulampokelela umwako, umwaya ucindami wako.

Masamu 73:24 交叉參考

Masamu 32:8

Yawe wati, “Namakusambilizyanga nu kukulanga inzila mwakupita. Namakuwakanga nu kukupanda mano.

Ezaya 58:11

Lyene nene ndamutungulula lyonsi sile, nu kumwimula ivintu visuma. Ndaamukomelezya nu kumusunga ningo, mulaya wa calo cino yakakontelela usaka. Mulaya wa kafukoka ka manzi yano yasiipwa.

Masamu 48:14

“Muu, umwaya Leza witu uwa pee na pee, ali katungulula witu uwa manda na manda, umuyayaya.”

Ezaya 48:17

Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.

Ezaya 30:21

Ndi mwaca mwafuma mu nzila, mwapumbukila ukwi kasa lilungi nanti limani, mulauvwa izwi lyakwe kuno likumunena iliti, “Mwe, ala inzila aeyi kuno ndangini muilondele.”

Masamu 25:9

Akatungulula aicefya umu nzila nsuma, nu kuyasambilizya ukulonda kwakwe.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Ezaya 58:8

“Ndi cakuti caya vivyo ale lyene uluzango lwane lulayengesa wa luswepo lwi lanzi lino likutunka, ni vilonda vinu vilapola sile zuwazuwa ukwaula nu kusumba kasita. Lyene nani kwene ale ndaya namwe lyonsi kwene apa kumupususya. Ndaya penepo apakuti namucingilila monsi monsi.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Masamu 49:15

Lelo nemo, Leza alapususya umwenzo wane, alansompola kuti ntaponela umwi lindi, nu kumpokelela.

Masamu 16:7

Nalumbanya Yawe, wiyo akampanda amano. Umwenzo wane ukanceula nu usiku kwene.

Yoane 17:5

Tata! Ndakai mpela lulumbi pa manso yako, luno nene nawe twakweti lino insi itali icitwe.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Yoane 14:3

Lyene ndi napita kukumuteyanyizizya ncende, ndawela kwiza mutola kuti kunondi akuno namwe mukaye.

Luka 11:13

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela Mupasi Wamuzilo kuli yao akamulenga?”

Mapinda 8:20

Nkapita umu museo wa ololoke, umu nzila ya ulungami.

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

Luka 23:46

Yesu alaizya ni izwi likulu ati, “Tata, nafumbatika mupasi wane mu makasa yako.” Lyene lino wavwanga cii, afwa.

Milimo 7:59

Alino yatwalilila kutama Sitivini na mawe. Ala akulenga Umwene ati, “Mwene Yesu, pokelela mupasi wane!”

Mpendwa 9:22

Usi mulandu cingaya pacisila ca manda yaili, nanti umwezi, nanti umwaka, nanti nsita ntali, aina Izlaeli yalinzile kusyala mu nsakwe zyao ukwaula ukutenuka. Lelo lino lilatenuka nayo kwene yalinzile kutenuka.

Malango 18:2

Yene yatalinzile yakwate impanga, ndi vino imitundu yuze yakwata. Yawe ali cipande cao, wakwe vino wene wayalavile.