18 Ukuya kwene umucumi, wayaika muli kafuli mukonko nupya ukuyasunkilizya ukwakuti yace yapongelele!
Umu nzila yao muno yakupita, namo mufite fititi, nu kutelepa mutelepe lino umungeli wakwe Yawe afumile akuyasimuzya!
Ali cino fwandi umu nzila yao mulazula iviwina. Lino yapamviwa ukupita mwenemo umu mfinzi, yalapona. Pasi pano umwaka wakuyavunuka lino ulafika, ndayaletela uononesi. Ivyalanda ne Yawe.
Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.
Aliwe akayaswilizizya ulufyengo lwao, akayalovya pamulandu nu uyi wao. Aliwe kwene alayalovya.
Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.
Uvunuko wao ulaya ulovyo umalilike, uwa kupatululwa ku Mwene nu ku maka yakwe alulumbi.
icakuti antu aipe nanti yangavula uli wi sote, ni ntalanganyi nazyo nanti zingasyuka uli, awe yene yonsi yalalowelela pyu.
Aipe yalalowelela. Anisi ya Mwene yalononeka kwati amaluwa yamu nyika. Nu kusendwa yalasendwa wa cunsi.
Ndi wapona asisyala alambalile, pano Yawe aliwe akamulemelela, akatuka.
Pano we Yawe, wewe mukulu kuluta vyonsi mpaka umuyayaya.
