Masamu 72:4 - Amazwi Yakwe Leza 2013

⁴ Ungaleka kuti acita ulungi apakupingwila alanda avwa kweneko na apina nu kucimvya yayo akayacuzya!

Masamu 72:4 交叉參考

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Masamu 109:31

Yawe akavwangila umupina, nu kumupususya kuli yao akamupingwila ukufwa.

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Umbwilo 18:24

Babiloni wavunwikwe pamulandu wa wazi wakwe yakasema nu wa antu yakwe Leza, nga nu wa antu yonsi akomilwe muno nsi.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Zakaliya 11:11

Fwandi pa wanda kwene ulya nu upangano ali kononeka. Yayo akalanga imfwele nu kuzikazya ala nayo yakundolekesya, nu kusininkizya alino lyene yasininkizya ukuti fwandi a Yawe aliwe akunena ukucita vino nkucita.

Zakaliya 11:7

Fwandi yayo akalanga imfwele nu kuzikazya, nemo ne Zakaliya yandemvile incito, nani ali pakuyacemela imfwele zizyo zino yali nu kukoma. Nakweti intuwa ziili, yonga nayamanga inti “Cikuku” ni yuze inti “Kulemana”. Awe nani ali pakuwaka imfwele zizyo.

Ezaya 9:4

Pano lyene watuputula umunyololo wao uwayacuzyanga. Watuvunola nu mukota uno wayanyambilanga apa viye. Watucimvya ndi vino wacimvizye aina Midyani.

Mapinda 20:26

Umwene wamano akaezya ukulondelezya wino wataluvyanya, alino amuvunuka ukwaula uluse

Masamu 94:5

Ala antu yaya pasi pakanyati uku antu yako, pasi pakuyacuzya antu yakwako sile!

Masamu 2:9

Ulayavyengola ni ntuwa ya cela, nu kuyatamola wakwe vino yakatamola inyungu.’ ”

Yobo 34:24

Akalovya acindami apaula ukuyuzya umulandu, nu kupyanikizya, akapyanikizya antu yauze.

Yobo 19:2

“Uzye kwene fwandi musikuta ukuncuzya nu kunsimanga mu mvwango zinu?

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Ezaya 42:3

Wene atalavuna itete lifwampe, atalazimya inyali ikuzimantukila, kufika lino alalenga kuti uwololoke ucimvye.