8 Nemo nkakulumbanya umusanya onsi, nu kulumbilizya ucindami wako.
Alino nani kwene namakulumbanya, we Mwene pano wewe mulungami, nu kukuwanzya, namakuwanzyanga umusanya onsi.
Namalumbanya Yawe apa nsita ino ncili umumi, umu umi wane onsi namaimbilanga Leza wane.
Lumbanya Yawe we mwenzo wane! Iye we Yawe, Leza wane, vino wakwatisya amaka! Wemo wazwala ululumbi nu usambazi.
Umusanya onsi, nemo namalandanga apa usuma wako, pano yayo akalonda ukuncita cimwi, wemo wayacimvya nu kuyalenga insonyi.
Nemo namatakolanga usuma wako nu kuvwanga umusanya onsi apa mipususizye yako, nanti angala nemo nafika sana penepo apakumanya kuno yalola.
Umwenzo wane ulaikuta, ndaimbila ni nyimbo zya luzango izya kukulumbanya.
Ululumbi nu luswepo vyamulilizya, na maka nu kuyemba vyaya mu Ng'anda yakwe.
