6 Nemo awewe kwene nasinta mwenemo umwenzo wane ukutandikila sile pano nikalila pano nsi. Wewe ukampokolola kweneko ukutandikila sile pano navyalilwe. Nemo awewe namalumbanyanga pee na pee!
“Nakusolwile lino ntacili nkuumbe mu ndilwa yakwe mayo wako, Lino utali uvyalwe ala nakusonta mpiti, kuti uce uye kasema wa mitundu yonsi.”
Lelo Leza mu cikuku cakwe wene wansolwile na lino ntali kuti mvyalwe. Wene wangamile kwiza mutumikila.
Yawe aliwe wambumvile mu ndilwa yakwe mayo kuti nje umuomvi wakwe, kuti mbwezye umutundu wakwe Yakobo kunoli, nga nu kukonganika aina Izlaeli apipi na aliwe. Pano nacindamikwa mu manso yakwe Yawe, nupya nkazana amaka muli Yawe Leza wane.
Uvwini kuno mwe antu mwemuno mwikala ukutali, mwe mitundu ya kutalitali. Yawe wansolwile lino ntali mvyalwe, wansonsile ukuya umuomvi wakwe.
Namawanzyanga Yawe insita zyonsi. Ntalatonta uku mulumbanya.
Lyene uzye asi wewe ukangama ukuti nene mukwasi wako ukutandikila sile ku wance wako?
Natemwa yayo antemwa, na wiyo uwacincila ukundonda akanzana.
Lelo nemo insita yonsi awewe namatailanga. Nemo awewe namacizyangapo sile lyonsi ukulumbanya.
Mwi zina lya Mwene witu Yesu Klistu, mwataizya Leza Tata lyonsi pa vintu vyonsi.
Utafuntuka kunondi! Ala intazi ili umupipi, nga pasi nanti umwi uwakungavwa.
Walongo umuntu wino wataila muli Yawe, wiyo asitwala amano uku tuluwi nanti asilondelela yakapepa yakwe tuleza twaufi.
