Masamu 71:3 - Amazwi Yakwe Leza 2013

³ Uye Ciliwe cane umwakuzinamo, muno nkapusukila kwati indi umwi linga lya maka. Wemo awewe nkazinamo, nupya awewe ukancingilila kweneko.

Masamu 71:3 交叉參考

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Masamu 91:9

Wemo Umwene aliwe akakupususya, a Leza mukulu ali wino wemo ukazina mwenemo.

Malango 33:27

Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Masamu 44:4

Wemo wewe musambazi wane na Leza wane, wewe ukalenga ukuti antu yako yacimvye.

Masamu 42:8

Su mwene alukulanga ukutemwa kwakwe ukwa pe akasanya, apakuti nalukumwimbila usiku, nu kupepa kuli Leza wiyo akampeela uumi.

Ezaya 33:16

Lyene mumapitanga nu longo nu kwikala ku matwi cele. Cimakolananga kwati mwikala mu musumba wi linga lyamaka. Mumaiililanga ni cakulya ningo nupya mutaluulilwa na manzi yakumwa.”

Masamu 68:28

Leza ale langa amaka yako yano waomvizye apakutupususya.

Ezekelo 9:6

Mukome yonsi, akote, alumendo, akazyana, yanyina kumwi na ana yao kwene. Lelo yayo yonsi alalembwa icimanyililo pa mausyu yao, awe yene mutezya kuyakumya mwenemo. Tandikilini kuno kwene ku Ng'anda ikulu yakwe Leza.” Fwandi nayo ali pakutandikila pa ntunguluzi izyaimi ku Ng'anda ikulu yakwe Leza.

Masamu 144:2

We luse lwa citemwiko cane ni linga lyane, we cele lyane na katuula wane, we cisyangu cane, we muno nataila, wemuno nkacimvizya imitundu.

Masamu 90:1

Mwene, wewe uli wikalo witu wakuzinamo, umu nkulo zyonsi.

Masamu 18:3

Nkalaizya kuli Yawe, wiyo uwalinga ukulumbanya, nga nawe akantuula ku anisi yane.

Masamu 89:27

Wene ali yeli lyane, umukulu pali yamwene yonsi apano nsi.