14 Lelo nemo insita yonsi awewe namatailanga. Nemo awewe namacizyangapo sile lyonsi ukulumbanya.
We Izlaeli nawe, paalila muli Yawe, Pano ukutemwa kwakwe Yawe ukwa muntaputuka, nga akalondesya ukupususya.
Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.
Fwandi cazipa wakwe cimwi ukuteeka imyenzo lino tukulolela, lilyo lino tukulolela kuti Yawe aliwe atutuule.
Nemo awewe kwene nasinta mwenemo umwenzo wane ukutandikila sile pano nikalila pano nsi. Wewe ukampokolola kweneko ukutandikila sile pano navyalilwe. Nemo awewe namalumbanyanga pee na pee!
We mwenzo wane, icani fwandi cino ukungumalile vii? Icani cino ukunyongotekela? Tailanga sile muli Leza! Kande nalukumutaizya nupya kwene, pano wene ali Katula wane na Leza wane.
Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.
Lekini kuposya kwinu kutanenuka, pano kulamuletela cilambu cikulu.
Lelo akula niusya icintu cii conga cene icindetela upaalilo:
Nkulenga Leza kuti kutemwa kwinu kwakulilako lyonsi pamwi na mano akumanya nu kupingula ningo,
Endi, mwemo mwati mulanga mpiti kutemwa ku ina itu yonsi amu Makedoniya. Caleka, ina itu, tukumupapata kuti mucite cii nu kuluta.
Leza andye ndakulonda. Nemo ningaya nkalolole ukwakwe, apamipitile yane iya muno nsi.
Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.
Yawe ali cuma sile cino nakwata. Acino nemo namapaalilanga munoli.
Yawe umusuma kuli yonsi yano yamutaila.
