Masamu 71:11 - Amazwi Yakwe Leza 2013

¹¹ Yene yakati, “Leza watamutazyela, katukalaufye uleke tumuleme, pano kusi nanti wenga uwakuti amupokolole kweneko!”

Masamu 71:11 交叉參考

Masamu 7:2

pano limwi yangiza yantakoole wakwe cisama, nu kundepola ukwaula nu wakuti antuule kweneko.

Mateo 27:46

Ukulingana na lino ilanzi lyatemba (3 koloko), Yesu alaizya ni zwi likulu ati, “Eli, Eli, lama sabakatani?” Cikusenula ukuti, “Leza wane, Leza wane, pacani wantazyela.”

Masamu 3:2

Yene yakalanda pali nene iyati, “Leza wene atange amwazwe awe.”

Mateo 27:49

Asyala yonsi nao yati, “Tekelini, tulole ndi Eliya amaiza amutuule.”

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Masamu 42:10

Vimatusi vya anisi yane vyati vimpezya amano. Yene yikalile sile ukunguzya pe pe pe iyati, “Nga Leza wako alikwi?”

Masamu 37:28

Pano Yawe watemwa ivilungame, nupya asitazyela akwakwe yayo acumi, lelo aipe yene yalalowelela. Ana ya vipondo yalononeka.

Masamu 37:25

Nali umwance, awe ninsuka ninkota, kwaula kuti ndole kuno umusuma watala watazyelwa, nanti sile kuno ana yakwe yakupula cakulya.

1 Samueli 23:7

Saulo yamulandile ukuti Davidi wataya ku Keila, nga nawe avwanga ati, “Leza watamwika mu makasa yane. Davidi wataiyalila umwisikulu pa kwingila mu musumba uwakulililwa amalinga ni mpongolo ni mifikilo iyakupikilizya.”