34 Mwe mayulu, nawe we nsi, mwalumbanya Leza, pamwi nawe kwene we yemba, kumwi namwe viumbwa, mwe muno mwayamo mwensi!
Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.
Lekini icintu consi icikafuta calumbanya Yawe! Lumbanyini Yawe!
Insansa kaziye umwiyulu ni nsi kiya sansamuka! Yemba nawe kalukulunkuma kumwi na vyonsi ivyaya mwenemo!
Icumi cumi mulafuma nu luzango, yalamutwala umulongo. Imyamba ni milundu vilapunda nu luzango apa nkolelo inu. Ni miti yonsi yamu mutengo ilakomela inkufi.
Nupya Leza avwanga ati, “Mu manzi kamuye viumbwa vya umi vya misango ni misango musenyantumba.” Nga ni vyunyi vyapapuka mu lwelele.
Ivintu vii kavilembwe, apakuti inkulo zyonsi izilalondelela penepo zice zyamanya vino Leza wacisile, ali pakuti ana kuvyalwa nayo yace yamulumbanyako.
