20 Intusi zyao, nemo zikundepola umwenzo, na kazwa nemo ntakwata. Nemo ntakwata. Nemo natailanga ukulola uwakundilila kweneko ulanda, awe cumi ntamuweni. Nanti uwakumyalalika umwenzo nawe kwene atalolike.
Nali nkucelecensya pakuti limwi ningalola penepo uwakungazwa. Lelo kutali kuloleke nanti wenga. Nani lyene pasi pakuzunguka. Nga icipyu alino cali candema, nasuka nacimvya sile nenga mpo.
Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.
Alino alondezi yonsi yutuka yamusya.
Ampiti sana lino natandike ukuvwa mazwi ya musango uo. Na vyonsi vino mukuvwanga, vikumvulumwila sile amasakamiko.
Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.
Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.
Lolini kasita kakwiza, endi, kati kiza lino mulasalangana, cila muntu alapita ukwakwe nga munsye nenga. Lelo mu cumi nsi nenga, pano Tata ali nani.
“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.
Lyene awela azana alondezi yatatu yakaswile. Alino anena Petulo ati, “Simoni, uzye nawe ukaswile? Uzye usi na maka akupempula nanti aawa wenga?”
Apa nsita ntali, twaculisya muno uku misowe ya akama, nga nu kusuulwa uku antu ya vilumba.
Vimatusi vya anisi yane vyati vimpezya amano. Yene yikalile sile ukunguzya pe pe pe iyati, “Nga Leza wako alikwi?”
Umwenzo wane nemo ukukulukunta wakwe cimwi, ali cino fwandi, nkanalukukwiusya we Leza wane, muno mpanga muno naya iya Yodani, umupipi nu mwamba wa Helimoni nu wa Mizali.
