18 Ndanga kuno wize umpususye, untasye ku anisi yane!
Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!
Utafuntuka kunondi we Yawe! Iza zuwa unkulule we maka yane!
Leza wane, Leza wane, uzye icani cino wantazyela? Nkula nkulaizya ntulwe, lelo kusi kukalauka ukungazwa!
Awewe sile wenga wemuno aina Izlaeli yakupaalila munuli. Awewe ukatutuula lino twacula. Uzye lyene pacani cino waya wa mwenyi umu mpanga, nanti wa mulendo akutuwilizya sile uwanda onga?
Lelo nemo, Leza alapususya umwenzo wane, alansompola kuti ntaponela umwi lindi, nu kumpokelela.
Nafumbatika umwenzo wane umu makasa yako, sungala untuule we, Yawe, Leza wacumi.
We Yawe, uzye pacani cino uyelile kutali naswe? Uzye pacani cino waifisa apa nsita ino tuli umu ntazi?
Nanti uzye natala mvwanga inti, ‘Untuule uku minwe ya mwanisi,’ nanti inti, ‘Umpususye kuli yayo akunzunya.’
Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”
Lelo nsilonda ukuti anisi yao yace yayuvwa yati, ali yano yacimvizye antu yane, kwati asi anene nemwisikulu natinjafulula.’
Anisi nyanya, yatiyandizizya wakwe yacipambasi ya ng'ombe. Yali kwati a yacipambasi ati yafulika aku Basyani.
Mpususye uku lupanga, mpususye kuli yasimbwa yayo
Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!
Kalauka unjasuke we Yawe! Umupasi wane watiuongoka, utafisa usyu wako kunondi, pano limwi ningaya wakwe yaya aikala kuzimo.
Wemo wangaswike nga unena uti, ‘Utuvwa intete.’
