Masamu 69:13 - Amazwi Yakwe Leza 2013

¹³ Lelo kwene nemo panondi pano, awewe sile wenga wewe namapepanga, we Yawe. Uwanjasuka, apa nsita ino ukasi, we Leza apamulandu nu luse lwako ulutaikulila. Pano wemo umu cumi, usilaya ufi umuntu apa lwakumutuula.

Masamu 69:13 交叉參考

2 Kolinto 6:2

Leza walanda mu malembelo ati, “Lino kasita kasuma kakumwazwa kafisile, nuvwile kuno muli, nga na lino wanda wafisile uwakuti imutuule namwazwizye.” Uvwini! Ndakai kasita kasuma kakumwazwa. Uvwini! Ilelo wanda wa kutuulwa.

Ezaya 49:8

Yawe wavwanga wati, “Akasita ka kumupususya ndi kafika, nemo ndamulola luse luse nu kwasuka impooma zinu, ndi mwalila iyoyomba. Nemo ndamulinda nu kumucingilila. Mulaleka nu kuti ince ncite upangano, apakasi kao nani. Ndaleka kuti muce mwikale nupya mu mpanga yaupyanyi ino yasyala ntangali ntangali.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

1 Samueli 25:8

Ndu kasi uyuzye yamakunena. Icaleka pokelela alumendo yayo, pamulandu wakuti tukwiza kuno pa wanda wa cimulo. Napapata ungapeela alumendo yayo, pamwi nani kwene ne Davidi, konsi kano ukweti.’ ”

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Ezaya 55:6

Londini Yawe apa nsita ino angazanwa, mwamini lino ali mupipi.

Utandiko 24:27

Avwanga ati, “Lumbanyini Yawe, Leza wa musambazi wane Abulaamu, wino watafikilizya ulayo wakwe nu utailo ukulu. Leza watantungulula ku ng'anda ya mwina wa musambazi wane.”

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Masamu 98:3

Wiusya uluse na ucisinka wakwe uku ng'anda yakwe Izlaeli. Imipaka yonsi iya mumo nsi yalola ufyusi wakwe Leza witu.

Masamu 51:1

Njeleko uluse we Leza pano wewe waluse uluvule. Mfumizye iviipe vyane vyonsi, pano wemo wakwatisya amizu.

Masamu 32:6

Ali cino fwandi wiyo wensi akakutontelela, amakulenganga lilyo lyonsi lino waya umu ulanda. Nanti mulamba wacitalawe angiza uli, wene atange afike kunoyali.

Esita 7:2

Nga lyene umu wanda wakwe ciili umu nsita ya cimulo umwene auzya namwene Esita ati, “Uzye cani cino ungalenga kuli nene? Lenga icili consi nani namakupeela. Nanti sile ukukwankanya uwene wane apakasi, ningakupeela.”

Esita 5:6

Lino yakumwa waini, umusambazi auzya Esita ati, “We! Nena zuwa cino ukulonda ukulenga, nanti uwene wane apakasi ningakupeela.”

Esita 5:2

Lino walola namwene Esita aimi mu musolo ulya, umwene akatusya intuwa ya wene iyembe, yakwe zaabu, nu kumusonta ni ntuwa iyo. Nawe fwandi ali pakukonzolola ikasa akumya insongo yakweyo.

Luka 1:72

Watile alaya na mizu ku antu itu, nu kwiusya upangano wakwe uwamuzilo.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Nyimbo zya ndosya 3:63

Ukutandikila sile akatondo ukufika nu usiku, yene yakunsoweka umu nyimbo zyao.