17 Lino nemo napunzile nati, “Ntulwe!” Nalondanga kuti inamulumbanyizizya umu nyimbo.
Umupina ndi akulila Yawe akamuvwa, nupya akamupususya nu ku macuzi yakwe yonsi.
Namalandanga ukulu wako, we Yawe Leza wane, nupya ndalumbanya ni zina lyako amanda yonsi.
Ivyani fwandi vino ningalipa kuli Yawe apa visuma vyonsi vino wancitila?
We Yawe nalaizye kunuli, nu kulenga uluse lwako we Leza wane.
Namakulumbanya we Yawe, pano awewe wati untuula. Utalesile kuti anisi yane yaitanka pali nene.
Uzye uwazi wane ivyani vino ungakuzipila, ndi cakuti natenzi umwi lindi? Uzye ndi nasanguka ulukungu, ningakulumbanya nu kutakola icumi cako?
