12 Wewe walesile na anisi itu yatulyatola apa mitwe. Swemo twapita umu manzi nu mu moto, wasuka pakusyalikizya watuleta mu cifulo ca vintu ivivule.
Namaleka yano yakamucuzya ayano lyene yacule. Pano alio kwene ayano yamulambalikanga mu miseo, nu kumulyatola kwati mwemwe vikona.”
Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.
Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”
Fwandi nawe kwene Yobo, Leza akalonda uku kupususya ukupitila mu mulandu wako. Apa mpiti wasyukile ivyuma ivingi sana. Ni vyakulya ivyakulya mpe navyo vyatulumananga api tebulo lyako.
Wene akayatuula ku mfwa, nu kuyasunga ningo umu nsita ya cipowe.
“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.
Acino umwene Davidi atenuka, na antu yonsi yamulondela, nga yatala yaya yimilila pa ng'anda yaku mpelelekezyo.
Wene angakupususya amaila mutanda, ni iila lyakwe cinimbali kutalaya iciipe nanti cimwi icilakuponela.
Acino Nebukadineza aya ku mulyango wi lungu lya moto nga apunda ati, “Syadilaki! Mesyaki! Abedinego! Mwe aomvi yakwe Leza Wapapelapela, fumini mumo! Izini kuno!” Caleka lilyo kwene Syadilaki, Mesyaki na Abedinego yafuma mu moto.
