Masamu 62:9 - Amazwi Yakwe Leza 2013

⁹ Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Masamu 62:9 交叉參考

Masamu 39:5

Ala wemo wipimpanzya insita ya umi wane, uwakwikala pano nsi! Kuli wewe umi wane ukaloleka sile uwa ciwelewele. Nu mucumi umuntu wensi waya sile wa mupu,

Ezaya 40:17

Imitundu yonsi ya antu, Yawe akailola kwati iyasilesile, kwati itaya na penepo.

Ezaya 40:15

Imitundu ya antu Leza akailola ungati akalitoni ka manzi akali apa milomo ya nsembo ya manzi. Yene yaya wa tupece twa lusenga ululi pa cipimilo. Nanti sile ivilila kwene, akavilola ungati ulukungu sile uku kupepuka.

Masamu 118:9

Cazipa penepo ukuzina muli Yawe kuluta ukwikalilila umu muntu umukama.

Masamu 39:11

Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.

Loma 3:4

Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Masamu 116:11

Walanga amano yatala yampela, navwanzile inti, “Awe cumi antu yonsi aufi.”

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”

2 Samueli 15:6

Fwandi vivyo avili vino Abusalomu wacitanga ku mwina Izlaeli ali wensi uwiza ku mwene ku kupingulwa. Vii, avino walenzile aonsi amu Izlaeli yamutemwe.

1 Samueli 23:12

Nupya kwene Davidi auzya ati, “Uzye aikazi amu Keila yaliza yampeele pamwi na antu yane mu makasa yakwe Saulo?” Yawe nawe aasuka ati, “Ee, yalacita vivyo kwene.”

1 Samueli 18:5

Muli vyonsi kwene vino Saulo watumanga Davidi ukuyacita, wene ataposiwanga cakuti Saulo amulasika icifulo icikulu icamu vita. Na cii cazanzizye antu yonsi, kumwi ni ntunguluzi kwene zyakwe Saulo.

Yoane 19:15

Caleka yasanzika mazwi yao yati, “Mukome! Mukome! Atanwe pa lupanda!” Pilato ayauzya ati, “Uzye mukulonda ntane mwene winu pa lupanda?” Yasimapepo akalamba yaasuka yati, “Tutakweti mwene muze suka Kesa!”

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Danieli 5:27

Tekeli: Wapimwa pa sikelo nu kuzanwa ukuti wangumpala wakwe cimwi.

1 Samueli 18:7

Apakucina yimba nu lwimbo iyati, “Saulo wakoma antu amazimbi. Lelo Davidi wene wakoma antu amazimbi amaila amakumi.”

1 Samueli 1:15

Hana nawe amwaasuka ati, “Awe, musambazi! Nemo nene mwanaci umwi ali nu ulanda wakwe cimwi. Ntamwile uwengwa nanti umwi nanti sile icili consi icikakola. Nemo nali nkulondolwela sile Yawe ivintu ivili mu mwenzo wane.

2 Yamwene 19:14

Umwene Hezekiya waile apokelela kalata wiyo nu kuwelenga penepo. Ali pakuya uku Ng'anda ikulu yakwe Yawe. Atoola kalata, amusapatula nga aika mumu kwene umu Ng'anda ikulu yakwe Yawe, apa manso yakwe Yawe.

Masamu 46:2

Ali cino fwandi, insi nanti ingatengana, swemo tutangetoope, nanti sile imyamba ingakunkulukila umu maziya yakwe yemba,

Masamu 71:7

Antu aingi yakazunguka kuli nene, lelo nemo awewe nkazina mwenemo, wewe wamaka umu cumi.

Masamu 142:3

Umwenzo wane usi na maka, lelo wemo wamanya vino ningacita. Umu nzila yane yanteya ulukose.

Ezaya 26:4

Mwataila muli Yawe insita zyonsi, pano aliwe akamutuula insita zyonsi.