Masamu 61:2 - Amazwi Yakwe Leza 2013

² Nemo napelelwa, kunondi nu kumwitu kwatalimpa, awewe sile nalaizya! Ntwale sile kumwitu ukwakuti ningikalilila.

Masamu 61:2 交叉參考

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Ezaya 32:2

Nayo yalaya kwati ali yakucingilila antu uku muza. Kwati ali yano yalapusukilako uku cipunga caku ufumondaka. Yalaya wa tunguzi twa manzi utwaya mu lwanga, ungati ali cisao ca mulunda umu mpanga yumalale.

Masamu 62:6

Wenga mpo, ali ciliwe cane nu ufyusi wane. Ali muno nkazina, intalatala ntelengane.

Masamu 77:3

Nemo nkaiusya Leza nu kufuteka ala nkufuteeka, nkuinong'onya umu mwenzo, nupya nkatovoka nu kutovoka.

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Masamu 18:46

Yawe umumi. Lumbanyini Ciliwe cane! Landini ukulu wakwe Leza wino akantuula.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Masamu 27:5

Umu nsita ya mazanzo, aliwe akansunga umu mutanda wakwe. Aliwe akamfisa umu Ng'anda yakwe ikulu nu kuntongamika apapelapela ya ciliwe.

Masamu 142:3

Umwenzo wane usi na maka, lelo wemo wamanya vino ningacita. Umu nzila yane yanteya ulukose.

Masamu 40:2

Wamfumya mu ciwina icitaiipila, umu matipa umu lutikiti! Anteeka apa ciliwe apapela, pano nasonkomala.

Ezaya 54:11

We mulanda we wemuno ukuyungana ni vinkunka, wemuno usimyalalikwa, lelo lyene ndakuulila amawe yako pa mawe yauze amutengo yakwe daimondi. Alino nu mufula wako pa mawe amutengo yakwe safilo.

Masamu 55:5

Intete zyatizindema, nu kuzakaza nkuzakaza wakwe cimwi nimfwa sile icipafi.

Masamu 143:4

Umwenzo wane usi namaka, nu munda yane mwati muzula intete.

Masamu 43:5

We mwenzo wane, icani fwandi cino ukungumalile vii? Icani cino ukunyongotekela? Tailanga sile muli Leza! Kande nalukumutaizya nupya kwene, pano wene ali Katula wane na Leza wane.

Masamu 42:6

Umwenzo wane nemo ukukulukunta wakwe cimwi, ali cino fwandi, nkanalukukwiusya we Leza wane, muno mpanga muno naya iya Yodani, umupipi nu mwamba wa Helimoni nu wa Mizali.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Masamu 17:1

We Yawe, uvwa ukulenga kwane ukufumaluke, kutika uku kuilizyanya kwane. Sumba amano uku kupapata kwane kuno ku kufuma uku kanwa ka cumi.