Masamu 60:2 - Amazwi Yakwe Leza 2013

² Watutensya insi, watuipandula apakasi, sungala usilile muno vyativilepoka, pano kwasyala sile kwempe kuti imokoke!

Masamu 60:2 交叉參考

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Yelemiya 48:38

Apa mapaala ya mang'anda yonsi aku Moabu nu mu miseo kwene muli mpooma zitupu, pamulandu wakuti natintamola Moabu wa nsembo ino yonsi yasuula. Ivyalanda ne Yawe.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Yelemiya 4:24

Lino nalolekesya imyamba, indola ukuti ikusunkana. Ni milundu yonsi nayo ikutelengana.

Ezaya 5:25

Fwandi Yawe watasokela antu yakwe. Wene watazunzula ikasa lyakwe apakuti ayapame. Imyamba imatelengananga. Alino ivyala vya antu yayo amafwanga, vimasyalanga ntangali ntangali umu miseo yamu musumba kwati sile ivikona. Yawe atalatala ate ukusoka. Alasyala sile ndi muno walawazunzwila ikasa kuti ayapamola.

Masamu 18:7

Lyene insi ali pakusunkana nu kutenta. Amasinte ya myamba pasi pakutelengana apamulandu nu kali wakwe Leza.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Habakuku 3:10

Lino imyamba yakulola, itandika kuzakaza. Amanzi yapongoloka ukufuma ukwiyulu. Na maimbi yakatuka papela wakwe cimwi.

Amosi 8:8

Acino insi ilatenkana, nga nu muntu wensi mu mpanga alanyunguluka! Impanga yonsi ya pansi ilasunkana wa Luzi lwa Nailo, yene ilakatuka nu kupona wa luzi lwa Nailo waku Eguputo.”

Yelemiya 30:17

Pano yene yakakwama ‘umusumbwe ni cisampwa cao’ cino yatasakamala awe. Lelo ndakuwezezya umutende wako ni vilonda vyako vilapola.” Ivyalanda Yawe.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Masamu 114:7

Tenta we nsi, pano Mwene wiza, tenta apa manso yakwe Leza wakwe Yakobo.

Yobo 9:6

Akaleta ivilundumusi ivyakuti ivisunkanya insi, nu kuleka ukuti pano yikalila pansi patente nu kutenta.

Ezaya 7:8

Pasi pano impanga ya Alamu italuta Damasiko, umusumba wa mwenemo uku maka. Nanti sile umusumba wa Damasiko utaluta Lezini amaka, umwene wauko. Aina Izlaeli nayo apa myaka amakumi mutanda na isano ale yasansantika, umutundu wao utalalemana foo.

Masamu 104:32

Wene akati nga walolekesya pano nsi, awe cumi impanga iyazakaza yonga sile, nga wakumya uku myamba iyasuka sile icunsi.

Masamu 89:40

Watuwisya amalinga yonsi amusumba wakwe. Watuongolola ni misumba yakwe ya malinga.

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Nyimbo zya ndosya 2:13

Iye mwe Yelusalemu, we musumba uno natemwisya, uzye namalanda cani? Ningakutekezya ntuli? Kutatala kwaya uwacula ndi vii. Ucuzi wako umakulilangako sile ukwaula impela, nga kusi nu upaalilo.

2 Samueli 22:8

Lyene insi izakaza nu kusunkana. Umufula wa lwelele iutenta, nu kuzungana pamulandu wakuti Leza wasosile!

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

2 Samueli 8:1

Pa cisila ca nsita imwi, Davidi azanza aina Filisti, nga ayacimvya nu kuyapoka amaka akuteeka impanga.

1 Milandu 18:3

Ukulundapo, Davidi alwisya Hadadezeli umwene waku Zoba, apipi nu ku Hamati, apa nsita ino waile ku kukomya uwene wakwe lwaku Luzi lwa Yufulate.

1 Milandu 18:5

Lino aina Alamu aku Damasiko yiza ku kwazwa Hadadezeli umwene waku Zoba, Davidi akomola antu amazimbi amakumi yaili na yaili muli yayo.

1 Milandu 18:12

Abisyai umwana umonsi wakwe Zeluya wakomile aina Edomu amazimbi ikumi na cinani mu Cifoloma ca Musilya.