Masamu 6:10 - Amazwi Yakwe Leza 2013

¹⁰ Anisi yane yonsi kayuvwe insonyi, yapelelwe na mano. Yalutonye, ni nsonyi ziyalemu.

Masamu 6:10 交叉參考

Malaki 3:18

Nupya kwene antu yane yalalola upusano uwaya pakasi ka antu akacita vyaololoke na yakaifya, pakasi ka antu akatumikila Yawe na yayo asimutumikila.”

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Masamu 86:17

Ndangilile icakusininkizizya usuma wako we Yawe, Uleke insonyi zileme yao ampata. Yamanye nu kuti awewe sile ukangazwa nu kunsansamusya.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Masamu 132:18

Anisi yakwe ndayafupilizya insonyi, lelo uwene wakwe wene ulaya nu longo wa kuwalula kwa maluwa.”

Masamu 112:10

Antu aipe nga yalola vivyo, yene pasi pakusoka, iyataka nu kulumanya incecete, nu kusalangana ala yasalangana. Icacumi ivikataila aipe vilasililikila

Masamu 73:19

Yakapongelela sile ukwaula nu kusumba akasita. Ee mwandi ali kupezya, yakaifwila sile uku ntete!

Masamu 71:24

Umusanya onsi, nemo namalandanga apa usuma wako, pano yayo akalonda ukuncita cimwi, wemo wayacimvya nu kuyalenga insonyi.

Masamu 71:13

Leka yayo ankatukila insonyi ziyaleme, nu kulowa yale yalowelele sile! Yao akalonda ukuncita cimwi kayasundwe, nu kuzewana yazewane.

Masamu 35:26

Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Masamu 25:3

Yonsi akataila munuli yatalazewana. Lelo yayo akakusangukila zuwazuwa, ali yano insonyi zilalema.

Masamu 7:6

Katuka, we Yawe, ni cipyu cako. Nkuti katuka we Leza wane! Lwisya ukali wa anisi yane, pano wemo ulungi auno ukalonda kuti yacite.

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

Masamu 5:10

Leza we, siyapeele umulandu uyavunuke. Sangala amapange yao yayaletelele uononesi. Uyazinge uku cinso cako, apamulandu wa wingi wa maifyo yao, nga navino yakusangukila.

Masamu 2:5

Alino ayanenola ukali ukali, nu kuyoofya sana umu cipyu cakwe ati,

Yobo 6:29

Mwacilamo sile, ale tini ukumfyenga. Mutezya ukumpela umulandu, pano nene wacumi.

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

Masamu 55:20

Wiyo uwali umunji mpiti, aliwe akaimilila yacuza yakwe, nu konona vino walanga yapangana nayo.