7 Kutika uuvwe vino yakuwata! Indimi umu tunwa twao zyakalipa wa malupanga. Yene yakuti sile, “Ale, nga amatuvwa aweni?”
Nemo indi pakasi ka vilyanyi ivikateyamila antu. Amino ya viko yaya wa masumo ni nceto.
Amazwi ya antu ya mano yakapa amano, lelo pa kanwa ka ciwelewele pakafomfomola uwelewele.
Umwipe akaelenganya umu mwenzo ati, “Leza atasakamile! Watazyata amanso nga atangatale andole!”
Yene yakavwanga iyati, “Awi see, Leza atange amanye, Leza mukulu atange ailuke!”
Yawe akafuntuka uku antu aipe, lelo akauvwa ukulenga kwa asuma.
Akacincila ukuvwanga, ivivwangwa vyakwe vikatota wa mupeni. Lelo amazwi ya muntu wa mano yali wa mulembo ku antu avule.
Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.
Uzye pacani cino umwipe angasulila Leza nu kwelenganya umu mwenzo wakwe ati, “Wene atalamvunuka!”
Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.
“Uzye utuvwile vino antu yakulanda ukuti Yawe watasumba inko zyakwe Yuda ni zyaku Izlaeli zino waisololwelile sile umweneco? Yati yasuula antu yane, yasikuvwika apa mitundu foo!
Yene yakavwanga vyakuyuvwa nu kuitanka pa uyi wao?
Akasanya konsi anene yakulanda penepo, yakupunda ni vyakuncitila.
