Masamu 59:16 - Amazwi Yakwe Leza 2013

¹⁶ lelo nemo, namaimbililanga amaka yako akatondo konsi, namatolokanga apa kwimbila uluse lwako ulwa muntaputuka. Awewe nemo namapusukilanga kweneko. Nkaazina kunuli amanda ya mpelelekezyo yane.

Masamu 59:16 交叉參考

Masamu 21:13

Twakulumbanya we Yawe, katuka na maka yako! Tulaimba nu kulumbanya amaka yako.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.

Loma 15:9

alino na kuti Akulukuwa nao kwene yalumbanya Leza pa kuyayela mizu. Ndi vino calembwa mu malembelo cati, “Acino ndakulumbanya pakasi ka Akulukuwa Ndaimba nyimbo zyakukulumbanya.”

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Masamu 143:8

Undole uluse luse cila katondo, pano awewe sile nataila. Undangilile inzila umwakupita, pano umwenzo wane waya sile kunuli.

Masamu 138:7

Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.

2 Kolinto 1:10

Wene watutuuzile ku mazanzo aipisye a mfwa, Leza alatutuula. Tukweti upaalilo munoli wakuti alatutuula nupya.

Masamu 101:1

Namaimbila ulwimbo lwane, ulwakulumbanya icisinka nu ulingi wako, nemo namakwimbila we Yawe.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Masamu 145:11

Vyene vilalanda pa lulumbi lwa wene wako, nu kuvwanga vyapa maka yako.

Masamu 36:5

We Yawe, ala uluse lwako lwafika nu mupela, umwiyulu nu ufumacumi wako wandatila nu mu makumbi.

Masamu 31:7

Namasangalalanga nu kuzanga apa luse lwako, pano wewe walola mpiti ulanda wane, nu kumanya, wamanya mpiti ulanda wa mwenzo wane.

Masamu 4:1

Unguvwe nu kungazwa lino nkupepa kunuli, we Leza wane uwa ulungi. Lino nali umu ntazi, awewe wantuuzile. Ya na mizu kunondi nu kuuvwa ipepo lyane.

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yelemiya 30:7

Iye mwe vino uwanda uu wakulisya! Kusi uwanda nauze uno wakolana na uu. Insita imwi iya ulanda kuli Yakobo, lelo wene alakululwa.

Masamu 89:1

Namaimbilanga ukutemwa kwakwe Yawe pee na pee, ni izwi lyane limapundanga ukutailwa kwako uku nkulo zyonsi.

Masamu 88:13

Lelo nemo nkakuuta kunuli we Yawe, cila katondo nkapepa kunuli.

Masamu 77:2

Umu nsita ya macuzi nemo nkapapata Umwene. Usiku onsi nkakatusya makasa yane nu kupepa aliwe kwene, lelo umwenzo wane usi myalalikwa foo.

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

1 Samueli 17:37

Yawe uwampokololanga ku vizanza vyakwe cisama na vyakwe cuuli, ali wino alantuulanya nu kumwina Filisti kwene wiya.” Saulo anena Davidi ati, “Cisuma, pitanga, nga Yawe aye nawe.”

Masamu 5:3

We Yawe ukauvwa izwi lyane akatondo. Lini ilanzi lyatunka, inkakulenga nga indolela kuti ungasuke.

Masamu 106:8

Lelo wene wayapuswisye pamulandu wa ulayo wakwe apakuti alanga amaka yakwe alulumbi.

Masamu 86:13

Pano ukutemwa kwako kunondi ukwa muntaputuka ukukulu sana, Nemo wampususya nu kwi lindi kwene.

2 Samueli 22:3

Leza wane ali ucingililo wane, nga kusi icinganzanza lino indi nawe. Wene akancingilila wa cisyangu. Wene akampokolola nu kunsunga ningo. Wene akatuula wane, akancingilila nu kuntuula ku antu yalwete.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

Yobo 15:23

Wene akazeuluka konsi, na makozi yakulolela ukukompola icala cakwe. Wene amanyile ukuti imfwa ingamuzana insita ili yonsi.