1 Leza wane, ntuule ku anisi yane, uncingiilile kuli yayo akulonda yamvwangatile!
Aliwe uwampususya uku anisi yane. Aliwe wantumpula apapela pali yayo akandwisya. Nu kunkulula uku muntu wa lukang'ansi.
Undole luse luse we Leza, undole luse luse, pano niza nazina kunuli. Umu cisao ca mapa yako, amuno nkuuwa, ukufika sile na lino uzanzo wane ulasililikila.
Lyene mumapitanga nu longo nu kwikala ku matwi cele. Cimakolananga kwati mwikala mu musumba wi linga lyamaka. Mumaiililanga ni cakulya ningo nupya mutaluulilwa na manzi yakumwa.”
We Yawe, mpususye uku anisi yane, pano kunuli akuno nkazina.
Leza, umpokolole uku antu aipe, umfyombotole umu makasa ya antu yakakate aipisye.
Lovya anisi yane uku luse lwako sile, uonone yonsi akancuzya, pano nene muzya wako.
Leza akuti, “Nemo namatulanyanga yao antemwa, nu kutaasya yayo amanya.
Sangala Yawe akwasuke lilyo lino wasakamikwa! Sangala Leza wakwe Yakobo akucingilile!
Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”
Mwe yakateeka uzye kwene imipingwile inu iyaulungi? Uzye mukapingwila antu umu musango ulungamane?
