22 Uwatuula masakamiko yako kuli Yawe, nawe amakuwakanga. Wene asitazyela umuntu musuma ukuti yamutonsye foo.
Ikini masakamiko inu pali Leza, pano wene akamusakamala.
Sekezya amikalo yako kuli Yawe, umutaile nawe alakwazwa.
Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu. Uzye umi utalusile ivyakulya, nu mwili utalusile vizwalo?
Wenga mpo, ali ciliwe cane nu ufyusi wane. Ali muno nkazina, intalatala ntelengane.
Lyonsi nkumanya ukuti Yawe ali panondi, ali pipi ukwi kasa lilunji lyane, fwandi kusi icingantenkanya.
Ndi wapona asisyala alambalile, pano Yawe aliwe akamulemelela, akatuka.
Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!
Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.
Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.
“Izini kunondi, mwensi mwe yatonte nupya anyomelwa, nani namamupeela upuzo.
Kuli wewe ali kuno nanyinyinda, ni kasa lyako ali lino likankumbatila apa kumpususya.
“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.
Atalaleka ulwazo lwako lusyetuke, wiyo aakakulinda atalatala asipule foo.
Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.
Lyene Yesu anena alondezi yakwe ati, “Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu.
Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.
Yawe angala aputule imilomo kuli yayo yonsi akatumpoka, nu lulimi lwakwe yayo akalanda ivya kuyuvwa.
Muno yasokama umu kafuma inceto ala yakuzivwintila apa antu asuma. Yakazilasa nu kuzipumikizya ukwaula ni ntete.
Caleka pamulandu wakwe cico Yawe Wamaka yonsi wavwanga wati, Namaengulula antu yane wa mukuwa nga lyene njezye nu kuyezya. Antu yane yacita iviipe. Uzye lyene icani cuze cino ningayacitila?
