2 Sumbako amano nu kuvwa unguvwe, pano ivikuncuzya ivintonsya.
Nelenganyanga wa kamimbi. Nalilanga wa nkunda, apakuteta. Amanso yane yatonsile muno nkuyatumbwila umupela. Lilyo ala nkuti sile iye we Yawe, sungala umpususye uku ucuzi uu.
Lelo ukuya kwene nemo Leza wanguvwile, akutika nu kwi pepo lyane.
Nemo nkaiusya Leza nu kufuteka ala nkufuteeka, nkuinong'onya umu mwenzo, nupya nkatovoka nu kutovoka.
Awe lyene nemo catala, We Leza ungala ukutike ipepo lyane! Nemo pasi pa ntete, ungazwilizyeko uku anisi yane!
Fwandi pasi pantete mwe! Twatituputuka ni misana. Tukulolela sile Leza kuti aize atukulule kuli yano yatuteka imfine, lelo kusi nanti cimwi cino tungacita.
Pano awewe Leza, wewe ukancingilila. Nga fwandi icani cino ungantazyelela? Cino ningapita umukungumale icani, pamulandu sile wa anisi yane?
Natinkontama nkukongoza sile, nkulosya sile umusanya onsi.
Lino nakutumalanga, nu kukana zenzuka amaifyo yane, mu nteo zyane mwayanga umutembokele, apamulandu wakuteta usiku nu musanya.
We Yawe, uvwa ukulenga kwane ukufumaluke, kutika uku kuilizyanya kwane. Sumba amano uku kupapata kwane kuno ku kufuma uku kanwa ka cumi.
Nawe uvwile kunondi lino napapasile kuti uvwe impooma yane.
