18 Amambwezezyanga umutende ukumusika uno nkalwisya, pano kwene yano yankatukila, anyanya!
Ungasukile ukwiyulu kwene, untuule nu kuntuula. Umacimvya na yayo kwene akamvungatila. We Leza, umandanga ukutemwa kwako ukwa pe na ucumi.
Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.
Uzye ukwelenganya vino nemo ntangandenge kuli Tata, kuti ndakai kwene antumile maumba akulu ikumi na yaili avita vya angeli?
Yano twapusana nayo yakunkatukila sile kasanya konsi!
Alino Elisya avwanga ati, “Utuvwa intete. Antu yano yali ku lusansa lwitu avule ukuluta yano yali na aliwe.”
Lino Yawe watuula Davidi kuli Saulo na anisi yakwe yauze, Davidi aimbila Yawe ulwimbo luu:
Lyene Aimaazi apunda ku mwene ati, “Vyonsi vili ningo!” Afukama inkolelo ya mwene nga avwanga ati, “Ululumbi luye kuli Yawe Leza wako! Wene watakupeela ucimvyo pa antu yano yakatukile umusambazi umwene wane!”
We Yawe, uvwa ukulenga kwane ukufumaluke, kutika uku kuilizyanya kwane. Sumba amano uku kupapata kwane kuno ku kufuma uku kanwa ka cumi.
Nawe uvwile kunondi lino napapasile kuti uvwe impooma yane.
