Masamu 55:15 - Amazwi Yakwe Leza 2013

¹⁵ Awe nce, imfwa sile kile ize icilukizye zuwa anisi yane. Kayale yatelemukile sile atuntulu uku cifulo ca afwe! Ee cumi, pano uyi auno wazula umu mang'anda yao nu mu myenzo yao.

Masamu 55:15 交叉參考

Masamu 59:13

Yonone uyi uyi, uyalovye pyu pyu pyu! Alino lyene antu yonsi yalamanya ndi vino wewe Leza akateeka Izlaeli, nu kuti fwandi uteko wako walimba insi yonsi!

Masamu 64:7

Mwalola lelo! Leza nawe wasya avwintile inceto zyakwe pano yali nu kuyapumikizya sile papa kwene pano yali.

Masamu 9:17

Imfwa ali uyo wa antu aipe, yayo yonsi akana Leza.

Milimo 1:25

kuti apyanile pa mulimo wa utumwa uno Yuda wasya nu kuya ku wikalo uno wasolwile umwisikulu.”

Mateo 27:5

Caleka Yuda asya wasumbila impiya zyakwe siluva mu Ng'anda ikulu yakwe Leza. Alino apita aya aikulika.

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

2 Samueli 18:14

Yoabu avwanga ati, “Ntakutala insumbe insita nayuze pamwi nawe.” Acino atoola amasumo yatatu nga aya atota yonsi mu cisao cakwe Abusalomu lino acili nu umi, akunyinyinda ku muti umu oki.

2 Samueli 18:9

Umu kupumikizya, Abusalomu akomenkanya antu yakwe Davidi yamwi. Wene wakwezile pa nyumbu, nga lino nyumbu ikupita umwisika ya misambo ya muti umuoko ukulu, umutwe wakwe Abusalomu iufyantama umu misambo ya muti ulya. Nyumbu itwalilila ukupita, lelo Abusalomu asyala akunyinyinda ku muti.

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.