6 We Yawe, nemo namakutula impolelwa nu luzango. Namakutaizya pano wemo wewe musuma.
Namakulumbanyanga sile, we Leza pa vintu vino wacita. Namapaalilanga mwi zina lyako, apa manso ya antu yako. Namakutaizyanga amanda pe, we Leza, pa vintu vino wacita. Pa manso ya antu yako, ndalanda ukuti wewe musuma, pano wewe musuma.
Lumbanyini Yawe! Ukulumbanya Leza witu mu nyimbo kwazipa. Icansambu nupya calinga ukumulumbanya.
Endi nemo namalumbanyanga Yawe pamulandu wa ulungi wakwe. Namaimbililanga Yawe Wapapelapela, inyimbo zyakumulumbanya.
Nakacendi, aololoke yalataizya izina lyako, aololoke yalaikala kunuli.
Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!
Namakutuula impolelwa yaku kutaizya nu kutuula ipepo lyane kunuli.
Cazipa ukukulumbanya wewe we Yawe, nu kukwimbila inyimbo zyakulumbanya izina lyako, We Leza wapapelapela.
Twakulumbanya we Yawe, katuka na maka yako! Tulaimba nu kulumbanya amaka yako.
Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.
Nemo Yawe aliwe akangazwa, ndalola nakuno anisi yane yalacimba.
Lelo kwene nemo Yawe Simwandalali akantuula. Ali cino nani ntakwata insonyi. Icaleka nalenga ukuti impumi yane ikome, iye ndi wakwe cilwala. Pano namanya ukuti ntalazewana foo.
Yawe Simwandalali aliwe akangazwa. Uzye lyene aweni angampeela umulandu? Yonsi kwene yalasila wa nsalu. Yalalowa wa cizwalo cino vipepelya vyalya.
