1 Untuule uku maka yako we Leza, untuule ukunzyansyo zyako!
Aina Zifu yaile kuli Saulo ku Gibeya nga yamunena iyati, “Ala mwine Davidi wafisama umu Mwamba wa Hakila, uwaya lwaku mpela ya Yesyimoni.”
Sangala Yawe akwasuke lilyo lino wasakamikwa! Sangala Leza wakwe Yakobo akucingilile!
Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”
Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.
Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.
Antu yakakulumbanya mpanga yonsi, nu lulumbi lwako lwalimba insi yonsi. Ee, icacumi, kwene ukateeka umu kulungika.
Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”
Nupya Ezaya avwanga ati, “Mwalola amaka yakwe Leza nu ucindami wakwe! Avivyo vikuloleka akatalamukila! Umoto ni cunsi ali vino vikulanga ukali wakwe. Lino amavwanganga, amazwi yakwe yamalunkumanga sile wa moto.
“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).
Lelo apano naya ne Wamaka, nemuno ningayatuula. Anene nemuno nkaamwa ukuti Yawe Wamaka yonsi. Anene namayatuula, nu kuleka kuti antu yaikalile ku matwi cele. Lelo aina Babiloni yene namayaponyezya sile isyamo.”
We Yawe, mvwangile kweneko, pano nkacita ivisuma. Nupya nataila muli wewe we Yawe, ukwaula kusiima.
Alino avwanga ati, “We Yawe Leza wa vikolwe vitu, uzye wewe usi uli Leza wa mwiyulu? Uzye usi wewe wateekanga nu kupingula yamwene ya mitundu yonsi iya antu? Mu minwe yako mwaya amaka nu lulumbi icakuti kusi nanti wenga angacimvyanya nawe.
Mwauvwila wiyo kwene, nupya mwauvwikisya vino akumunena pamulandu wakuti natimupeela maka yonsi. Ndi mwacita vikanza kunoli alasoka cuze.
Antu yalakoopa aina yao aonsi kuti yakomwe. Mu musango uli onga na yaisi yalakoopa ana yao. Ana yalakatukila akwasi yao nu kuyakomisya.
Pano Kavwangila wao wene uwamaka, nupya aliwe alakupingula.
Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.
