3 Yonsi pyu yamufutatila. Yonsi pyu pano yapela, yakowela. Pasi nanti wenga akacita ivisuma, nanti wenga uwambezu.
Antu yonsi yafutatila Leza. Antu yonsi aponge, kusi umuntu nanti wenga akacita visuma, awe kusi nanti wenga.
Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.
Yonsi pamwi yapumba inzila yakowela. Kusi muntu nanti wenga akacita ivisuma, kusi nanti wenga.
Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.
We mukundwe utezya kuya namalolela ya vintu viipe. Lelo uye namalolela ya vintu visuma. Wino akacita visuma wene uwakwe Leza. Wino akacita viipe wene atatala walola Leza.
Wino wensi uwa nkota lekini atwalilile kucita inkota, umukowele atwalilile ukuya mukowele. Wino wensi musuma nawe atwalilile kucita visuma, na wino wensi uwamuzilo atwalilile kuya uwamuzilo.”
Ndi mwamanya ukuti Klistu akacita vyaololoke, lyene mutatwisika ukuti umuntu akacita vyaololoke umwana wakwe Leza.
Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.
Ndonona yayo amfutatila yano yata ukundondela, nupya yasiiza kunondi nanti ukunguzya kuti njatungulule.
Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.
Ale fwandi umuntu wene cingapela kwi! Wiyo uwa miyele iipe nupya ivulungane! Nga vino wene akacita inkota kwati avino akamwa amanzi!
Acino aina Izlaeli iyasoloka Davidi iyapita na Syeba umwana wakwe Bikili. Lelo antu yakwe Yuda yali ku lusansa lwakwe Davidi nga iyamulondela ukufuma ku Yodani mpaka nu ku Yelusalemu.
