12 Umbwezezye insansa zya ufyusi wako, umpeele umwenzo ukome nupya utontelele.
Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.
Lelo nemo inkutaila umu kutemwa kwako ukwa pe, we Yawe. Ungala uleke umwenzo wane uzangile uku wazwilizyo wako.
Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!
Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.
Mwene ali Mupasi. Acino kuno Mupasi wa Mwene ali ukuli untungwa.
nupya untu wane ukuzangila muli Leza Katuula wane,
Alino nani namayanga nu luzango apamulandu wa vintu vino Yawe umweneco wacita. Namazanganga na pamulandu wakumpususya.
Ndi muno wandaile, ndemelele, utaleka impone. Utaleka inkota zincimvye.
Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.
Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”
“Yawe Leza wamanya ukuti umuntu atange aisolwele umweneco uyo wakwe. Kusi umuntu uwakwata amaka apa umi wakwe.
Uzye wewe weni uwakupingula muomvi wa muntu umwi? Musambazi wakwe aliwe alinzile kulola ndi akuomba ningo nanti akuposiwa. Wene alaomba ningo, pano Mwene waya na maka akuti aleke aombe ningo.
We Yawe, ala umwene watasansamuka, pano wemo wamupeela amaka ya kucimvya. Wene akuzanga pano wemo wamupeela ucimvyo.
Ncingilile ukucilumba ca palwalala. Utaleka cinteke uzya. Lyene indaya umwi uwakaele, uwaula iifyo ilikulu.
Nemo nkalondela umu nzila zyako kwaula ukunenuka, pano limwi ingazo zyane zingasyelemuka.
Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.
Awiyo uwa minwe yakaele nu wa mwenzo uswepe, nupya asipepa utuluwi nanti ukulaya ivyaufi.
