1 Njeleko uluse we Leza pano wewe waluse uluvule. Mfumizye iviipe vyane vyonsi, pano wemo wakwatisya amizu.
Caleka zenzukini, nu kuswilila kuli Leza pakuti nawe amwelele maifyo inu,
Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”
“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.
Funtusya usyu wako kunondi, uku kulolekesya uku maifyo yane. Kumbula uyi wane onsi.
Leza wafuta kalata wa nkongole zitu wino akalanda pa Masunde yakwe Mose. Kalata wali uwa milandu itu lelo wene wamusisya nu kumupampamila pa lupanda.
We Yawe, ule unjasuke. Pano wemo waya ni nkumbu izivule. Senukila kunondi, pano wemo wakwatisya uluse!
Uwanda umwi ku manguzi, Davidi akatuka pa musanzi wakwe afuma akulyatoka apipaala li sano lyakwe. Lino ali apipaala, alola umwanaci akufulala. Umwanaci wilya wali umuyembe wakwe cimwi.
Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.
Unguvwe nu kungazwa lino nkupepa kunuli, we Leza wane uwa ulungi. Lino nali umu ntazi, awewe wantuuzile. Ya na mizu kunondi nu kuuvwa ipepo lyane.
Nanti angala limwi atukalipile, wene akatutezela pano watukwatila uluse, nalo pasi paukulu.
Ucitile umuzya wako, ukulingana nu kutemwa kwako, nupya unsambilizye amalamulo yako.
We Yawe Simwandalali ungantuula ndi muno wandaile, umpususye pamulandu ni citemwiko cako ica luse.
We Yawe nemo namanya ukuti wemo utalatala ute ukundanga amizu! Ukutemwa kwako ukwa muntaputuka na ucumi wako ali vino vimansungililanga pee.
Lelo apamulandu nu kutemwa kwako ukukulu, nemo namaingilanga umu Ng'anda yako ikulu. Namakufukamilanga nu mucinzi, ulunga ni Ng'anda yako iyamuzilo.
Ivikolwe vitu umu Eguputo vitatezizye ivipezyamano vyako, vitiwisye nu luse lwako uluvule, vyatalamila umucindami kuli Yemba Muyenzu.
Lelo kwene nemo panondi pano, awewe sile wenga wewe namapepanga, we Yawe. Uwanjasuka, apa nsita ino ukasi, we Leza apamulandu nu luse lwako ulutaikulila. Pano wemo umu cumi, usilaya ufi umuntu apa lwakumutuula.
Wemo waya na mizu nupya ukatwelela uluse, nanti angala twakusangukila.
Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!
Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.
Yawe umusuma kuli yonsi, nupya waya na mizu ku viumbwa vyakwe vyonsi.
Uzye lyene Leza wata ukukwata uluse? Uzye icipyu cakwe kwene icikaleka atakwata uluse vwile?”
Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.
Utezya uyelele uyi wao nanti utaleka amaifyo yao yafuutike pano yatiyatuka yakakuula yonsi.”
Alino nawe kwene Yawe watumanya vii vyonsi vino yakupanga ukuti yangankoma. Utezya uyayelele uluse. Apa uyi wao onsi. Utezya ufute iviipe vyao. Yafwante pansi uyacimvye. Yacitepo cimwi apa nsita ino ucisosile.”
