Masamu 5:9 - Amazwi Yakwe Leza 2013

⁹ Ivikavwanga anisi yane visi vyakutaila foo. Yene yakalonda sile ukonona ivintu. Imvwango zyao izyakulyongofya, lelo zyazulamo amazwi yausomvi.

Masamu 5:9 交叉參考

Loma 3:13

Milomo yao yakolana wi lindi lili casi. Indimi zyao zikavwanga ivyaufi pa milomo yao pakafuma ulembe ngati uwakwe cipili.

Masamu 62:4

Kwene mwemo, ala mwimilile sile apa kumuseka, nu kumufumya apa ukama wakwe. Ala mwimilile sile apa kumutumpwila ufi nu kulanda amazwi kwati akumupolelela, lelo umu myenzo inu ala mukumutipwila sile.

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Mapinda 29:5

Ndi cakuti wazembeleka umuzo, ala waiteya ulukose.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

Luka 11:44

Kalanda kunomuli! Mwakolana na malindi asi ni vimanyililo yano antu yakapita papela kwaula kumanya.”

Masamu 52:2

Wemo watemwa ukupanga kucitila auzo iviipe, ululimi lwako lukoline nu lwembe ulukalipe, wemo watemwa ukutumpwila auzo.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Masamu 64:6

Lino yakupanga ukucita iviipe, yene yakati, “Eya mwandi, paa apapela ukupangana!” Ee kwene umucumi, amano ya muntu, yaya acimpelezya!

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

1 Tesalonika 2:5

Mumanyile ningo ukuti tutizile mukwezya kutumpika umuntu umwi. Leza umwisikulu amanyile ukuti vino twacisile vitali ivyakufikilizya lwiswa munotuli.

Luka 11:39

Lyene Mwene amunena ati, “Mwe Afaliseo mukafula ingako ni mbale kunzi, lelo mu myenzo inu mwazula ukakasi ni nkota.

Ezila 8:21

Kuku kwene uku luzi lwa Aava, nemo ne Ezila napiile antu amasunde akuti swemo swensi tutale tute ukulya, pakuti tuicefye kuli Leza, tumupapate apakuti atutungulule umu ulendo witu nu kutucingilila, sweswe pamwi na ana itu, kumwi ni vyuma vitu vyonsi.

Masamu 27:11

Nsambilizye, we Yawe, vino ukasi kuti incite, nu kuntungulula umu nzila nsuma, pano anisi yane anyanya.

Masamu 69:19

Wemo wamanya vino nasuulwa, na vino nazewana nu kusalulwa. Anisi yane yonsi, wemo ukayalola.

Ezaya 26:7

Inzila ya muntu umulungame yaya itambalale. We Yawe, awewe walinganya inzila ya mololoke.