2 Kutika ku kupapata kwane, we Mwene nupya Leza wane. Nkapepa kunuli we Yawe.
Pano wemo ukauvwa amapepo, antu yonsi yamaizanga kuli wewe.
Nalaizya kuli Yawe ni izwi ilisanzuke, nawe wanjasuka pa mwamba wakwe uwamuzilo.
Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.
Namalandanga ukulu wako, we Yawe Leza wane, nupya ndalumbanya ni zina lyako amanda yonsi.
Tuncelelya twailukila icinsanzo na kamimbi nako kaimatila ing'anda iyakusungilamo utwana, apa kavuwa kako, we Yawe Leza Wamaka yonsi, Mwene wane na Leza wane.
Lelo wemo, we Leza, wewe uli Mwene wane. Ukutandikila sile uku mpiti, wewe ukaombesya apa kutupususya apa mpanga ya pano pansi.
Wemo wewe musambazi wane na Leza wane, wewe ukalenga ukuti antu yako yacimvye.
Yawe ali kateeka wa pee na pee. Yayo akapepa tuleza tuze yalalowa umu mpanga yakwe.
We Yawe, Leza wane, ala nene muomvi wako sile. Uvwa fwandi vino nkukupapata na vino nkukupepa. Uvwa impoma yane ni pepo lyane lino nkupepa kunuli ilelo.
Nawe uvwile kunondi lino napapasile kuti uvwe impooma yane.
