3 Vino nkwelenganya kuno, ala ivya kumupanda amano, nkuvwanga amazwi ya mano.
Sungala upokelele amazwi yapa kanwa kane, na melenganyo amu mwenzo wane. We Yawe, we ciliwe cane na katuula wane!
Muntu musuma akafumya vintu visuma mu visuma vino wasunga mu mwenzo wakwe. Nu muntu mwipe akafumya viipe mu viipe vino wasunga mu mwenzo wakwe.
Kutika kunondi, nga nani namakunena amazwi yano antu yamano yavwanga, apakuti uyamanye ningo.
Nemo ninkwata amazwi yamwi asuma, a lwimbo luno natinsika ulwa kulumbanya kateeka. Izwi lyane limatololokanga kwati akalembelo kakwe kalemba uwi lembo ilisuma.
Amazwi ya muntu musuma yakavwanga ivyamano, ni vikafuma pa lulimi lwakwe vikaya ivilungame.
Ulondolozi wa mazwi yako uli wa luswepo, wene ukaletela imbutuma amano.
Ndusi ni cakuvwanga, ale lyene utezye sana vino nkukunena. Ikala zii, uleke inkupanzye kweneko amano.”
Umu mwenzo wane mumafuma umuvwango wa mano. Umu mulomo wane mumafuma ivyacumi vitupu tupu.
Usambilizyo wane ukulakata sile wa malakasi ya mvula alino iyavimbilikizya pa musili kwati ulumi. Amazwi yane yalalakata wa kutonya kwa mvula pa vilimwa vinu, kwati atuswelelele pa mulemvwe.
Si angala asansamukila mu melenganyo yane yonsi pano aliwe akansansamusya nupya nani nkazangila munoli.
Mutailila ukuti Yawe umweneco waipaalwila akacita vyaololoke. Yawe akanguvwa nga napepa kunoli.
