Masamu 49:14 - Amazwi Yakwe Leza 2013

¹⁴ Ala yene intipu zyao, izya kufwa wa mfwele umu citata. Nupya imfwa kwene, ali mucemi wao, na antu alungame ali yano yakayateeka. Lino ulaca ucindami wao ulongoloka, ni cifulo cao, umwi lindi.

Masamu 49:14 交叉參考

Malaki 4:3

Pa wanda ulya lino ndacita cimwi, mwemo mulacimvya yakaifya nayo yalaya wi twi uku ngazo zinu. Ne Yawe Wamaka yonsi navwanga.

1 Kolinto 6:2

Uzye mutamanya ukuti antu yakwe Leza yalapingula antu amuno nsi? Endi, ndi cakuti mulapingula antu amuno nsi, uzye mwemo mutangapingula tumilandu tunono?

Danieli 7:22

Lyene wiyo uwaliko ku katalili aiza nu kupingwila antu yakwe Leza Wapapelapela. Insita yatifika yakuti antu yakwe Leza yapokelele amaka ya utesi.

Yobo 30:23

Lyene natimanya ukuti watuntwala ku mfwa sile. Akuno tuce tukakomenkane na afwe.

Loma 8:36

Wakwe vino malembelo yakati, “Pamulandu wako tuli mu uzanzo wa kukomwa musanya nu usiku. Tukoline wa mfwele zino zyasendwa ku kukomwa.”

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Danieli 7:18

Lelo aswepe yakwe Leza Wapapelapela yalapokelela uwene na maka ya utesi nga yalausunga amanda pe.”

Masamu 39:11

Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Yelemiya 12:3

Lelo wemo Yawe wamanya, nupya ukalola vino nkacita na vino nakutemwa. Antu yaa aipe, wemo uyatintanye wa mfwele zino yakutwala ku kukomwa. Yawakilile mpaka uwanda wa kukomwa uce usuke ufike.

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Masamu 47:3

Aliwe walesile kuti tucimvye imitundu yonsi, nu kuleka ukuti twateeka ainamasi.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Masamu 9:17

Imfwa ali uyo wa antu aipe, yayo yonsi akana Leza.

Yobo 21:26

Lelo nanti cingaya vivyo imfwa yene ili yonga sile, nu kuzikwa yonsi yakazikwa icili conga umu musili. Ni ngonyo iziyalya yonsi kwene.

Yobo 21:13

Awe cumi pasi pa usuma, yaikalila ni syuko. Nu kuya yakaya uku mpanga ya afwe nu longo, ukwaula ukucululuka.

Yobo 4:21

Nga vyonsi vino yene yakwata vilasendwa, ala yatiyafwa pamulandu wakuulilwa amano.”