Masamu 48:1 - Amazwi Yakwe Leza 2013

¹ Yawe ali mukulu nupya afwile ukucindikwa wakwe cimwi umu musumba wakwe, uwaya apapela ya mwamba wamuzilo.

Masamu 48:1 交叉參考

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Masamu 96:4

Pano Yawe umukulu, nupya uwakulumbanya wakwe cimwi, Wene uwakoopa ukuluta tuleza tonsi.

Masamu 46:4

Kwaya uluzi lumwi ulukazanzya umusumba wakwe Leza, incende yamuzilo muno Leza Wapapelapela umweneco wikalamo.

Masamu 145:3

Yawe wene umukulu nupya uwakulumbanya wakwe cimwi, ukulu wakwe kusi angautezya.

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Masamu 87:3

We musumba wakwe Leza, uvwa kuno uku vintu ivyakuzunguka vino Leza akukunena ati,

Umbwilo 19:5

Alino ku cilimba ca wene kufuma izwi liti, “Lumbanyini Leza mwe aomvi yakwe mwensi pamwi na antu yakwe onsi, anono na akulu kwene, mwe muno mukamucindika!”

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Masamu 99:9

Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!

Masamu 87:1

A Leza uwa kuula umusumba wakwe pa mwamba wamuzilo.

Masamu 86:10

Pano wemo wewe wamaka, nupya ukacita ni vyakuzunguka. Wemo wenga mpo, wewe uli Leza.

Masamu 78:68

Aluko lwakwe Yuda ayano wene wasolola, nga nu mwamba Zioni ali uno watemilwe wakwe cimwi.

Masamu 65:1

We Leza ica insambu ukuti antu yakulumbanyizizya umu Zioni, nu kukupelela mwenemo vyonsi vino yakulaya.

Masamu 47:8

Leza aliwe wateeka imitundu yonsi ya antu, wikala apa cilimba cakwe icawene, icamuzilo.

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Ayebulai 12:22

Lelo mwemo mwiza ku Mwamba wa Zioni nu ku musumba wakwe Leza uwa umi, Yelusalemu uwa kwiyulu, muno mwaya angeli mintapendwa.

Obadiya 1:17

“Lelo pa mwamba wa Zioni palikala yamwi alapusuka, alino nu mwamba ulaya uziliziwe. Lilyo kwene ali lino amu mupanda wakwe Yakobo yalapokelela icaupyanyi cao.

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Masamu 147:5

Umwene witu umukulu nupya uwamaka. Amano yakwe amuntapimwa.

Masamu 30:1

Namakulumbanya we Yawe, pano awewe wati untuula. Utalesile kuti anisi yane yaitanka pali nene.

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Masamu 42:1

Ndi vino inswela ikayaseela apa kulonda ukuli amanzi azuke, avino nani kwene nkukulukisya cuze we Leza.