8 Leza aliwe wateeka imitundu yonsi ya antu, wikala apa cilimba cakwe icawene, icamuzilo.
Zangini mwe ikazi ya kwiyulu, sansamukini mwe ikazi ya pano nsi. Nenini antu amu nko zyonsi muti, “Yawe umwene.”
Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!
Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.
Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.
Uololoke nu ulungi wako ali mufula wa wene wako. Ukalanga ukutemwa nu ufumacumi wako muli vyonsi vino ukacita.
Nemo wampingwila ukwaula ulufyengo. Wewe kapingula uwa ulungi, apa cilimba cako pano wikala.
Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.
Alapingwila ainamasi, alatamola imitwe yao, nu kutuntinkanya ivyala vyao mpanga yonsi.
Yawe aliwe akuteeka, imitundu ya antu ikuizakazila sile, wene wikala papela yakwe ya kelubi, si lekini insi yatenta.
Yawe aliwe akuteeka, insi kizange. Ni vilila vyonsi ivivule ka visansamuke!
Mwalazye umu inamasi muti, “Yawe ali Mwene! Insi yonsi izyansya, itange itelengane foo. Wene alapingwila imitundu yonsi nu ulungi.”
Wemo musiuvwana napinguzi ya lufyengo, yao atemwa ukucita ulufyengo wi sunde.
Yawe ali mukulu nupya afwile ukucindikwa wakwe cimwi umu musumba wakwe, uwaya apapela ya mwamba wamuzilo.
Yawe umukulu umu Zioni, aliwe akateeka na antu ya mitundu yuze.
Alino lyene Yawe Leza awino alaateeka impanga yonsi, ala wenga mpo awino alaya Umwene, ni zina lyakwe lyonga mpo alino antu yalalumbula.
Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”
