6 Imbilini Leza inyimbo zyakumulumbanya, si aleni imbangini mwe! Imbilini amalumbo uku musambazi.
Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.
Imbilini Leza inyimbo zyakumuwanzya, lumbanyini wiyo akapitila umu makumbi. Izina lyakwe a Yawe, zangangini apa cinso cakwe!
Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.
Namalandanga ukulu wako, we Yawe Leza wane, nupya ndalumbanya ni zina lyako amanda yonsi.
Apapela ya mutwe wakwe iikapo cimpampa icalemvilwepo cimanyisyo ca mulandu uno wapilwe, cakuti, “Wii, ali Yesu, Mwene wa Ayuda.”
Lumbanyini Yawe umu nyimbo. Landini ivyakuzunguka vino wene wacita.
Cumi kwene awewe kwene watusolwela kacingilila witu, awewe watupeela umwene, we Wamuzilo wa ina Izlaeli.
Lyene Davidi anena antu akongine yonsi ati, “Lumbanyini Yawe Leza winu.” Acino antu yonsi iyalumbanya Yawe, Leza wa vikolwe vyao. Yakontama nu kucindika Yawe nga nu mwene kwene.
Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.
Nga Milyamu aimbila lwimbo kunoyali ati, “Imbini kuli Yawe, pamulandu wakuti watacimvya ulwi, watasumbila imfwalasi na antu akwezilepo muli yemba.”
Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.
