Masamu 47:4 - Amazwi Yakwe Leza 2013

⁴ Ali wino watusolwela ni mpanga ino tukaikalamo, ino tukamekelapo swe antu yakwe, swe yano watemwa.

Masamu 47:4 交叉參考

1 Petulo 1:4

Caleka tukulolela kupokelela ukama wa upolelelo uno Leza wasungila antu yakwe. Kupolelelwa kuu konsi kwasungwa na aliwe mwiyulu, nupya kutangaola nanti kononeka nanti kulowa.

Naumi 2:2

Yawe ali pipi nu kuwezezya ululumbi ku mpanga ya Izlaeli, wakwe lulu luno yakweti lino anisi yatali kuti yaizanze.

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.

Oseya 14:4

Yawe akuti, “Ndawezya antu yane kunondi, ndayatemwa nu mwenzo wane onsi, pano natinta ukuyasokela.

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Malaki 1:2

Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Yelemiya 3:19

“Nene nenga ne Yawe nelenganya vino ningakwingizya mu lupwa lwa ana yane, nu kukupeela impanga ya luzango. Cico icisuma ukuluta ni mpanga zyonsi izyaya panonsi. Nelenginye ukuti uwangama wakwe so, nu kumfutatila utalamfutatila, utalata nu kundondela.

Ezaya 60:15

“Lyene fwandi antu yatalatala yakutazyele, nanti ukukusuula ndi vino yakupasile nu kukufumyako amano. Nemo ndakucindamikila calimwi. Nupya umwako kwene ali muno yalasansamukila amanda yonsi.

Masamu 16:3

Kuli yayo akaele aya muno nsi, ali yacindame yane yano nemo nkazangilamo.

Malango 11:12

Yene ili mpanga ino Yawe Leza winu akasunga nu kuiwaka pee ukufuma pa kutandika kwa mwaka ukufika na pa mpela ya mwaka.

Malango 33:3

Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

Masamu 136:22

Waipiile kuli Izlaeli umuomvi wakwe, pakuti iye iya caupyanyi cakwe, pano luse lwakwe ulwa pe na pee.