Masamu 45:8 - Amazwi Yakwe Leza 2013

⁸ Insalu zyako zikanunkila usaka, ku cinunu cisuma cakwe mule, aloe ni misisi na mafwa yauze acinunu cisuma. Yakalizya ya ngoma na yakimbila ya nyimbo, yakaiza kunuli uku kwimbila ukwi sano kuno ya kukuulila na mino ya nzovu.

Masamu 45:8 交叉參考

Lwimbo lwakwe Solomoni 1:3

Mafuta yako akupakala yakanunkila ningo. Cinunu cii nkaciusya ndi nuvwa izina lyako. Uli mulandu uno akazyana yakutemelwa.

Yoane 19:39

Nikodemo, wino nkolelo waile kuli Yesu usiku, nawe waileko pamwi na Yosefu. Ala asenzile vya mununko usuma, mulembo mule uminkane na aloe, kulingana na yalita ikumi.

Lwimbo lwakwe Solomoni 4:6

Nemo namaya nkikale pa mwamba wa usule nuwa ubani, ukufika na lino umuza waku macaca umakatukila, ukufika sile na lino imfinzi imaandatuka.

Mateo 2:11

Alino iingila mu ng'anda, yalola mwana wilya na nyina Maliya, yamufukamila yamupepa. Alino yasapula vyuma vyao, nga yamupeela mawila yakwe zaabu, ubani nga ni vyamununko usuma, Mule.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Masamu 16:11

Uwandanga inzila zyakuntwala ku umi, nga nani ndazanga cuze lino wemo waya pipi nani. Ulandetela isyuko ilyakunzanzya, amanda pe.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Yoane 14:2

Mu ng'anda yakwe Tata muli miputule iingi, nga nani nkuya kukumuteyanyizizya ncende. Ndi cisi vivyo, nga namunena.

Amosi 3:15

Indatamola amang'anda inu ansita zya pamwela, kumwi na mang'anda ansita zya cisiku. Amang'anda ayemviwa na mino ya nzovu yalononwa, ni vimang'anda vyonsi vikulu vilatamolwa.” Avino Yawe wavwanga.

Lwimbo lwakwe Solomoni 5:13

Amatama yakwe yaya wa calo ca mbezu zya cinunu cisuma izikapeela amafuta acinunu cisuma. Imilomo yakwe yaya wi luwa lino likutona manzi yakwe mule.

Lwimbo lwakwe Solomoni 5:5

Nani nkatuka inja ku kuyulila mukundwe wane, ala na mafuta yakwe mule yakunonoka ku vizanza vyane, ala namafuta yakutona ku minwe yane, ala yakutonela ku mikolongelo.

Lwimbo lwakwe Solomoni 3:6

Uzye aweni wi akufuma mu lwanga kwati mvumba ya cunsi, ala cikuleta cinunu cisuma cakwe mule ni ca ubani ivyapangilwa ni vya cinunu cisuma vya aculuzi?

Lwimbo lwakwe Solomoni 1:13

Mwili wane ukanunkila cinunu cakwe mule, lino mukundwe wane asaamile pa mayele yane.

Masamu 150:4

Mulumbanyini umu tungoma nu kucina. Mulumbanyini umu mazeze nu mu mitolilo.

1 Yamwene 22:39

Ivintu vyuze vyonsi vino Aabu wacisile, ukwika penepo ni sano lyakwe ilya mino ya nzovu, lino wakuuzile pamwi ni misumba yonsi ino wakuuzile, vyalembwa mu lupapulo lwa Milandu yakwe Yamwene ya ina Izlaeli.

Masamu 45:15

Ayayo yapita, yakucina nu luzango lukalamba yaya yingila nu mwisano lya mwene.

Masamu 11:7

Pano Yawe wakwata ulungi. Asuma yalalola pe icata cakwe.”