Masamu 45:2 - Amazwi Yakwe Leza 2013

² Wemo wewe monsi umwi umusuma ukuluta yonsi nupya wewe kavwanga umwi akavwanga usaka sana. Umu cumi, Leza wakupolelela insita zyonsi.

Masamu 45:2 交叉參考

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Yoane 7:46

Yakalinda yavwanga yati, “Kutatala kwaya umuntu akavwanga vyeo ndi vino umuntu wii akuvwanga.”

Masamu 21:6

Icacumi wamupolelile upolelelo wakuyelelela. Wamupeela ni nsansa izyakuya apa cinso cako.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Lwimbo lwakwe Solomoni 2:3

Wakwe vino umu apo ukaya pakasi ka vimiti vyamu mpanga, avino nu mukundwe wane waya pakasi ka aonsi. Nemo nakunda cuze ukupuuza mu cisao cakweo, ni viseekwa vyakweo pasi pakulyompa mu kanwa kane.

Mapinda 22:11

Umuntu wa mazwi akazanzya umwenzo, angatandana icuza na yamwene. Lelo umwene wene watemwa umuntu umutailwe.

Mateo 17:2

Lyene yalola Yesu wakaoka, ni cinso cakwe ciyengesa cuze wi lanzi, nga ni vizwalo vyakwe viyengesa viya vitiswe wa luswepo.

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Mapinda 5:2

pakuti uwaelenganya ningo na mano, alino napa kanwa kako uwavwanga ivya mano.

Ezaya 33:17

Umu nsita ilya mulailolela umwene umwi akuteeka nu ucindami, alino mulalola impanga isuma ivunguluke wakwe cimwi.