Masamu 44:7 - Amazwi Yakwe Leza 2013

⁷ Awewe sile wenga mpo, ukatupususya uku anisi itu. Awewe sile wenga we muno ukacimvya yano yatupata.

Masamu 44:7 交叉參考

Masamu 140:7

We Yawe Simwandalali, umukuluzi wane uwamaka, awewe ukancingilila umu wanda wa ulwi.

Masamu 136:24

Watupuswisye umu minwe ya anisi itu, pano luse lwakwe ulwa pe na pee.

Masamu 132:18

Anisi yakwe ndayafupilizya insonyi, lelo uwene wakwe wene ulaya nu longo wa kuwalula kwa maluwa.”

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Masamu 144:10

Awewe ukalenga ukuti yamwene yacimvye, nu kukulula umomvi wako Davidi.

Masamu 53:5

Ukuya kwene intete zino yatatala yalemwa zilayalema, pano Leza amasansanta amafupa ya anisi yao. Cimayaletela insonyi pakuzana ukuti Leza watayatazyela.

Masamu 40:14

Leka yao akulonda uku nkoma yazewane, ni nsonyi ziyaleme! Leka yao akuzanga apamulandu wa macuzi yane, yaswilile mwenemo ale yati yaponya ni nsuka.

2 Samueli 7:10

Ndalondela antu yane icifulo cisuma. Ndayalasika cakuti nayo ali muno yalasyalilila umu cifulo kwene cico. Kusi umuntu aalayafumya mwenemo. Aipe nayo yatalatwalilila uku yacuzya wakwe vino yacitanga mpiti,

1 Samueli 17:47

Nu muntu wensi pano alamanya ukuti Yawe asilonda amalupanga nanti amasumo pa kutuula antu yakwe. Wene akacimvya umu ulwi, nga alapeela mwensi kwene umu makasa itu.”

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yoswa 11:6

Yawe anena Yoswa ati, “Utayoopa, pamulandu wakuti mutondo pa nsita ndi ikwene indayapeela yonsi pyu mu makasa ya ina Izlaeli, ala afwe. Ulinzile kutembola imfwalasi zyao nu koca amaceleta yao.”

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”