Masamu 43:3 - Amazwi Yakwe Leza 2013

³ Nkozezye sile uluswepo lwako, undangilile nu ufumacumi wako uleke avino vinkolelele, vintwale uku Zioni, uku mwamba wako uwamuzilo, nu kunjingizya umwi sano lyako, muno wikala!

Masamu 43:3 交叉參考

Masamu 36:9

Umucumi intendekelo ya umi yaya kunuli, tukalola nu luswepo ndi cakuti watukozezya.

Yoane 1:4

Wene wali intulo ya umi, nupya umi wakwe wapile luswepo ku antu onsi.

Masamu 143:10

Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.

Masamu 119:105

Amazwi yako ali lampi ilya kuntungulula, nupya ali luswepo lwa kunkozezya inzila yane.

Masamu 97:11

Uluswepo lukayengesela yayo akacita vyaololoke, nga antu yayo yaya ni nsansa.

Masamu 84:1

Iye mwe vino natemwisya isano lyako, we Yawe Wamaka yonsi! Pasi paciluka, ica misolo ya kwisano lyako.

Masamu 40:11

We Yawe nemo namanya ukuti wemo utalatala ute ukundanga amizu! Ukutemwa kwako ukwa muntaputuka na ucumi wako ali vino vimansungililanga pee.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Masamu 57:3

Ungasukile ukwiyulu kwene, untuule nu kuntuula. Umacimvya na yayo kwene akamvungatila. We Leza, umandanga ukutemwa kwako ukwa pe na ucumi.

Masamu 3:4

Nalaizya kuli Yawe ni izwi ilisanzuke, nawe wanjasuka pa mwamba wakwe uwamuzilo.

Mika 7:8

Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.

Masamu 78:68

Aluko lwakwe Yuda ayano wene wasolola, nga nu mwamba Zioni ali uno watemilwe wakwe cimwi.

Masamu 46:4

Kwaya uluzi lumwi ulukazanzya umusumba wakwe Leza, incende yamuzilo muno Leza Wapapelapela umweneco wikalamo.

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

1 Milandu 16:1

Antu yaya yawezya Mbokosi ya Upangano yakwe Leza nga yayingizya mwi taalu lino Davidi waiteyanyizizye, nga yayika pa ncende yakweyo. Alino yapeela amawila yakoca pamwi na utandano kuli Leza.

1 Milandu 16:39

Davidi asya simapepo Zadoki na yasimapepo yauze ukwi Taalu lyakwe Yawe, apa ncende yakupepela penepo uku Gibyoni.

2 Samueli 15:20

Wemo wizile mutondo. Uzye nupya nkufyenge tufume tukululumba nawe, nalino ntamanyile nakuno nkuya? Awe yame swilila sile, senda na akumwinu kwene. Si Yawe aye uwa luse nu wakutailwa kunuli.”

1 Milandu 21:29

Itaalu lya Ukongano lyakwe Yawe, lino Mose wapanzile mu lwanga, nga na kavuwa ka mawila yakoca alanga vili umu ncende yakupepelamo uku Gibyoni.

2 Samueli 15:25

Lyene umwene anena simapepo Zadoki ati, “Swilizya Mbokosi ya Upangano yakwe Leza uitwale mu musumba. Ndi cakuti Yawe wazangila munondi, ale wene alambwezya mu musumba akaleke nkize nkailole nupya nkalole na pa cifulo pano itenzi.

Masamu 57:4

Nemo indi pakasi ka vilyanyi ivikateyamila antu. Amino ya viko yaya wa masumo ni nceto.