1 We Leza, si mvwangile uku antu atakwata uluse, yayo atakusakamala, untulanye uku antu ya ufi nupya aipisye yamwi!
We Yawe umvwangile kweneko kuli yao yonsi akandemanizya, umvwangile kuli yao akansinkola.
We Yawe, mvwangile kweneko, pano nkacita ivisuma. Nupya nataila muli wewe we Yawe, ukwaula kusiima.
We Yawe, awewe ukaputwila antu yonsi imilandu. Lyene umvwangile nani, we Yawe, pano nene wakaele nu wa miyele isuma, we Leza wapapelapela.
We Yawe Leza wane wewe wacumi, fwandi mvwangile ndi vino nene muntu wakaele. Utaleka anisi yane ayano yaitanka panondi,
Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”
Leza, umpokolole uku antu aipe, umfyombotole umu makasa ya antu yakakate aipisye.
Wemo ukaonona yayo akatumpoka. Yawe wapata inkomi na antu andimi ziili.
Twifya kuli Yawe, acino lyene tulinzile kuzizimizya ukali wakwe, mpaka ace atuvwangile nu kuzifya umulandu witu. Wene alatwingizya mu luswepo, alino tulalola kuno akututuula.
Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.
Mumwenzo wane muli cumi, lelo cii cisyakusininkizya ukuti nene wakaele. Mwene aliwe akampingula.
Pano Kavwangila wao wene uwamaka, nupya aliwe alakupingula.
Pano Yawe ali kavwangila wao, aliwe alapokolola nu umi wakwe yano yayapata.
Lelo akuli Leza sile wenga ali kuno ukafuma, aliwe akacefya yamwi nu ku kuuzya yamwi, nu kufipilila wensi pyu!
Abusalomu pali pakunena Aitofeli ati, “Uzye utange utupandeko amano, utunene ivyakuti tucite?”
Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”
Ulwi iulunduluka monsi kwene ukunzi ya musumba, nga antu aingi iyafwa mu mutengo ukuluta yano akomilwe mu ulwi.
Leka imitundu yonsi iya antu ikongane panuli, ikulizizye, nga nawe wikale apapela uwayateeka.
Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.
Antu ya vilumba yatiyankatukila. Antu akakate yakulonda yankome, yayo atasakamala na Leza.
Acilumba yanteya ulukose umu umfisolo, yanteya inkose zyakuti nkalemyeko, yika ivisiki umu nzila ivyakuti nkapumikeko.