Masamu 42:2 - Amazwi Yakwe Leza 2013

² Umwenzo wane ukulukisya we Leza, Leza wane uwa uumi. Uzye alilaci fwandi lino ndiza mpepele apa manso yako?

Masamu 42:2 交叉參考

Masamu 63:1

We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Masamu 84:10

Ukwikala wanda onga umwi sano lyako kwaluta amanda izimbi lyonga ukwikala kuze. Nupya ukwikala pa mulyango wa ng'anda yako we Leza, kwazipisya penepo ukucila ukwikala umu mang'anda ya antu aipe.

Masamu 27:4

Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Masamu 84:2

Umwenzo wane wati ufwa sile uku ciluka cako! Pasi paciluka ica misolo ya kwisano lyako, we Yawe nkukwimbila nu luzango lonsi we Leza wa umi.

Masamu 84:4

Alongo antu yano yikala umu ng'anda yako, akakulumbanya insita yonsi.

Masamu 43:4

Nga alino lyene ndaya nkapalamile nu ku kavuwa kako we Leza, ukwaya insansa zyane nu luzango. Ali kuno ndazangila nu ku kuwanzizya mwi zeze, Leza, we Leza wane!

Yobo 23:3

Si cange cizipe imanye kuno Leza akuzanwa, kuti nkafike kuno akaikala!

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Masamu 84:7

Amaka yao yakavulila kweneko iyasuka iyafika nuku Zioni ukukulolekela kuli Leza wakwe yaleza.

Kufuma 23:17

Amaila yatatu mu mwaka antu yonsi aonsi yalinzile kulolekela pa manso yane ne Yawe Simwandalali.

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Masamu 63:3

Uluse lwako ulwamuntaputuka, lwazipisya ukuluta nu umi kwene. Fwandi ali cino nemo, namakuwanzizyanga

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.