11 Ali muno ndamanyila ndi vino wantemwa umu cumi, umwanisi wane atakatale akayuvwe pali nene.
Pa lupanda apano Klistu wacimvizye mipasi yankota na maka onsi. Wene walenzile kuti yonsi yalole vino wazevizye ucimvyo nu kuleka kuti yene yaye wa azya kunoli.
Lumbanyini Yawe, uwalenzile ukuti yatatutakanya uku mino yao.
Imbilini Yawe! Lumbanyini Yawe! Wene akapususya yayo atitikiziwa ku maka ya antu aipe.
Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.
Ndangilile icakusininkizizya usuma wako we Yawe, Uleke insonyi zileme yao ampata. Yamanye nu kuti awewe sile ukangazwa nu kunsansamusya.
Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!
Utaleka yavwanga yati, “Eya! Ali cino twalondanga! Asi papo lyene twamucimvya.”
Utantazyela foo, nanti uku nsumbila umu makasa ya anisi yane. Lelo waleka ukuti naipitila sile nenga ukwitolo.
Nu mwanisi wane atandike nu kuyuvwa ati, “Namucimvya.” Yano yakancuzya nayo yangazanga sana apakulola vino napempezyoka.
