1 Walongo umuntu wiyo akasakamala mupina nu mulanda, Yawe nawe alamukulula uwanda wa ntazi.
Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.
Wiyo uwasuula umuze ala waifya, lelo umuntu wino akaelela alanda uluse wasyuka.
Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”
Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.
Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.
Umu nsita ya ntazi yataluvwa insonyi nu mu nsita ya cipowe namo yalaikuta.
Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.
Apina mukaya nao pe, nupya mungayazwa nsita yonsi ndi mukulonda. Lelo nemo mutalaya nani pe.
Insita ili yonsi akakumbusuka, nu kukongwesya antu yauze, ana yakwe yalaya apolelelwe.
Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.
Cintu cino yene yuzizye sile kunotuli cakuti tulinzile kwiusya kusakamala apina aya mwi umba lyao, na cii cili cino nalondesyanga kucita.
Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.
Icipyu ca mwene cikasowela imfwa. Lelo uwamano angacimyalalika.
Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.
Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”
Naomi pali pakumuzya ati, “Uzye aukwi fwandi kuno wali waya ku kusotolezya ingano uwanda wi lelo? Uzye umu calo cakwe weni muno wali waya umu kuomba? Si Leza angala alu kupolelela umuntu wi uwali wakusakamala!” Lyene Luti anena nyinavyala ukuti walakuomba mu calo cakwe Boazi.
Lelo wemo ndakupususya mu wanda ulya, nupya utalapeelwa mu makasa ya antu yano ukaoopa.
