Masamu 40:17 - Amazwi Yakwe Leza 2013

¹⁷ We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.

Masamu 40:17 交叉參考

Masamu 70:5

Nemo ntakweti amaka nupya nene mulanda. Leza, kalauka fwandi ukwiza kunondi. Wemo ukangavwa, nupya ukantuula. We Yawe, ala utalengela!

Ezaya 41:17

Lino antu yane yalalola amanzi, lino ku myenzo yao kulalangoka nu kuuma pamulandu nu lusala, nemo ne Yawe ndauvwa kuno yakumpapata. Nemo ne Leza wakwe Izlaeli ntalatala njatazyele foo.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Masamu 34:6

Umupina ndi akulila Yawe akamuvwa, nupya akamupususya nu ku macuzi yakwe yonsi.

1 Petulo 5:7

Ikini masakamiko inu pali Leza, pano wene akamusakamala.

Masamu 54:4

Nemo nimanya ndi vino Leza ali kazwa wane, nu kuti Umwene aliwe ali kapokela wane na katasya wane!

Masamu 40:5

We Yawe, Leza wane, ala vino watucitila ivyakuzunguka ivivule, Vino wemo watuteyanyizizya pasi pa wingi. Icacumi pasi nanta wenga uwaya wakwe wewe! Nga cakuti nati nkandande vyonsi pano vyapela, awe cumi ntange nkume mwenemo, pano vyavula wakwe cimwi.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Masamu 86:1

Teya amatwi kunondi we Yawe, unguvwe, pano nene mulanda nati mpelelwa.

Masamu 69:33

Pano umwene, akauvwa alanda nupya asiilila nu ku antu yakwe, yayo aisumba umu milimo yakwe.

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Masamu 109:22

Nene mulanda nupya umupuzi. Umwenzo wane umukasi watiuciswa.

Masamu 34:4

Napefile kuli Yawe nawe wanjaswike, ampususya na kuli vyonsi ivya nsakamikanga.

Masamu 35:27

Yonsi yaya yano yali ni nsansa apamulandu wa ulungami wane, kayumile utupundu, yavwange nu kuti, “Yawe umukulu, akazangila apakusyuka kwa muzya wakwe.”

Ezaya 25:9

Mu wanda ulya yene yalavwanga yati, “Cumi kwene wi ali Leza witu. Twataile ukuti aliwe alatukulula! Wene ali Yawe nupya tukataila munoli. Si lekini tuzange nu kusansamuka pano watatupususya.”