29 Antu aololoke yalikala umutende umu mpanga, nu kuipyana umuyayaya.
Pano antu asuma, akaele, ali yano yalikala muno nsi, akaele ali yano yalakwata mwenemo icifulo cao.
Pano yayo acita cipyu yalayazinga, na yayo alataila Yawe, yalikala umutende umu mpanga.
Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.
Wino wensi alacimvya nemo ndaya Leza wakwe nawe alaya umwana wane.
Yawe akawaka amanda ya muntu musuma, ni vyuma vino wapyana vilayelelela.
Lelo yao aicefya yalapyana impanga nu kusyukila ulongo ulumalilike.
Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”
Uwafuntuka uku viipe, nga uwacita ni visuma, apakuti uce uwikalilile pee.
Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.
Yene yalaya nu longo lyonsi, nu luko lwao lulaikwatila impanga umwakwikala
Ndi walaizya tumalola ndi cakuti utuluwi twako utwipe tumakutuula! Umuza ulatuulula tonsi pyu, umupu ulatusenda. Lelo wiyo wensi uwataila munondi, alapyana insi. Umwamba wane uwamuzilo ulaya uwakwakwe.
Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.
