10 Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”
Namanya ukuti Umwene alapeela akafyengwa insambu, nu lungi uku alanda.
“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.
Yawe akavwangila umupina, nu kumupususya kuli yao akamupingwila ukufwa.
Kutaya Leza uwaya wakwe wewe, we Yawe. Kutatala kuloleke nanti wenga uwacita wakwe vino wacita.
We Leza, usuma wako wafika sile nu mupela. Wemo wacita ivintu ivikalamba wakwe cimwi! Icacumi, kutaya nanti wenga uwaya wakwe wewe!
Sileka nuvwe nupya uluzango nu kusansamuka. Nu mu mafupa yane umuvungoke, ince nacina nupya ne mulanda.
Wene wankulwile uku anisi yane amaka, kuli yayo yano yakandwisya, yano yanduta amaka.
Pamulandu sile wa cipyu cako, nati nsuka ndwalisya umwili wane onsi pyu, pasi pakulwala pamulandu wa kwifya kwane.
Yawe akawakilila amafupa yakwe yonsi pyu. Patangepaye nanti lyonga ilya kuvunika.
Lino nakutumalanga, nu kukana zenzuka amaifyo yane, mu nteo zyane mwayanga umutembokele, apamulandu wakuteta usiku nu musanya.
Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.
Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.
Wamuzilo wilya akuti, “Uzye aweni fwandi wino mungakolanyako kuli nene? Uzye kwaya namuze angalingana nani?”
Aweni fwandi wino tungakolanyako Leza? Aweni uwamukolako icata?
Amanda yane yakupita wa cunsi, nu mwili wane ukupya wa moto.
Pano umwene, akauvwa alanda nupya asiilila nu ku antu yakwe, yayo aisumba umu milimo yakwe.
Antu aipe yakasomola masumo yao, nu kukana malapwa yao kuti yakome alanda na apina, yayo akapita mu miyele isuma.
Umupina ndi akulila Yawe akamuvwa, nupya akamupususya nu ku macuzi yakwe yonsi.
Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”
Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.
Antuula ku anisi yane, na kuli yonsi yano yampata, yao ancizizye amaka.
We Leza, mpeko umwenzo wa kuyela uwike munondi umwenzo upya uposye.
Yawe akavwangila kweneko yano yafyenga nu kuyapela insambu.
Nakacendi, aololoke yalataizya izina lyako, aololoke yalaikala kunuli.
Akapeela acule insambu zyao, ni cakulya uku yanzana.
Imbilini Yawe! Lumbanyini Yawe! Wene akapususya yayo atitikiziwa ku maka ya antu aipe.
